Aisaya 1:29 - Uwumbɔr aagbaŋ

²⁹ N‑yoonn ngbaan le nisui ga gar ke ni nan chuun dii isui ke i gaa nimi lii, ki toor kisamook ke ki ter nimi ni kan tijikaar.

Aisaya 1:29 ပူးပေါင်းရင်းမြစ်များ

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Aisaya 31:7

Naah nan tun mi taani ki di tikunabr ni salmaa di naan ŋiwaa ŋi na, n‑yoonn mubaa choo le ni mɔmɔk ga di ŋi lii.

Aisaya 42:17

Binib bimɔk tii ŋiwaa naadii na, binib bi yin tiwan ni bi di biŋaal naan na baawaa na, ga ji inimɔɔn sakpen.”

Aisaya 45:16

Binib bi naani ŋiwaa na ga ji inimɔɔn; bi mɔmɔk ga ji inimɔɔn.

Aisaya 57:5

Ni doo bipiib chee tiwaachur ni, ke ni dooni ŋiwaa ŋi kpa mmaal na la. Ni joo nimi aabim ti toor kitork titakpalunn ni, ikpen aafataŋ ni.

Aisaya 65:3

Bi ŋani mi liŋuul, kaa san inimɔɔn. Bi toor tisamoor ki seer nnyɔknii ŋiwaabimbin pu.

Aisaya 66:17

Uwumbɔr ki len ke, “Binib bi toor bibaa ki dooni ŋiwaa, ki chɔl ki chaa ti toor tisamoor, ki ŋmɔ ugbeer, ni ŋilapol, ni tijikaar ti kaa ŋan na aadoon peen ni a.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Esekiel 36:31

Ni ga teer nimi aatunwanbir, ni taani u ni ŋa na, le niponn ni ga li sukr nibaa pu, naah tun titunwanbir, ni mbiin mu ni ŋa na pu.

Esekiel 6:13

Ŋinikpol ga li dɔ ŋmal ŋiwaa ni ŋiwaabimbin ni, ki yaa gbiin ligongoln limɔk paa na pu, ni lijool mɔk pu, ni bususoom mɔk, ni likpaln mɔk taab, ni nin chee mɔk bi seer nnyɔknii tii ŋiwaa na. Le unii mɔmɔk ga bee ke min le ye Uwumbɔr.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Hosea 4:13

Ŋijoo paab le bi toor ŋiwaa, le ki seer nnyɔknii isui sakpiin i aabon taln buen dandar na taab, ŋigongon pu, isui aaboon aah mɔ ni chee na, kina pu le nibisatiib joo bibaa kooh, le nibipuutiib mu kpaln bidagoob.

Hosea 4:19

Uwumbɔr ga di bi buen ke kinaakpaajabuŋ le aah daar bi cha na, le inimɔɔn ga chuu bi ŋiwaa aatork pu.

Rom Yaab 6:21

Ni yaa teer naah tun titunwanbir ti na kan, ni jinni nimi inimɔɔn dandana wee la. Tinyoor nan bi titunwanbir ngbaan ni ii? Aayii. Titunwanbir ngbaan aadoon ye nkun la.