Aisaya 1:28 - Uwumbɔr aagbaŋ

²⁸ le ki kuln umɔk tun titunwanbir ki kpak u na; u ga kuln unii umɔk yii u na.

Aisaya 1:28 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 21:10

Ki nyan n‑yoonn ngbaan Edom aa ki bi Juda aataab. N‑yoonn baan mue le Libna aatiŋ yaab mu nyan Juda aapuwɔb, ba pu? Jehoram nan yii uyaajatiib Aadindaan Uwumbɔr.

2 Bibɔrb Aabɔr 28:23

U nan toor kitork tii Siria yaab bi nyaŋ u na aawaa. U nan bui ke, “Siria aawaa le ter Siria aabɔrb, kina pu na, m mu yaa toor kitork tii ŋi kan, nibaakan ŋi ga ter m mu.” Le kina aatuln joo ni tibɔbir nan lii u ni waatimbol pu.

Job Aagbaŋ 31:3

U joo ni tibɔbir ni libiil le nan tii binib bi tun taani na.

Job Aagbaŋ 34:26

Binib aanimbil ni le u dar titunwanbirdam aatafal,

Job Aagbaŋ 34:27

ba pu? bi yii, kaa ki dii u ki suln waakaal mɔmɔk.

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 104:35

U kuln titunwanbirdam mɔmɔk kitiŋ kee pu; bibiindam taa ki li bi kpala. M joo nsui mɔmɔk pak Uwumbɔr la. Pak Uwumbɔr man.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 37:38

le titunwanbirdam ma kulni la, le bi ŋar biyaabitiib ŋŋaan.

Ilahn 5:6

Aa bii binyamɔndam mɔmɔk doo ki lik seeni binib bi bir ki ŋmanni biken na.

Ilahn 73:27

Binib bi yii si na ga sil kuln; aa ga doo binib bi nyan aapuwɔb na.

Ilahn 9:5

Aa bii binib bi kaa nyi si na, le ki ku door bibiindam; ubaa aan ki teer bibɔr daalbaadaal.

Ilahn 92:9

Ti nyi ke saadim ga kpoi, le bibiindam mɔmɔk ga lir.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 24:20

Kitiŋ ga li deŋni ke udagbiir aah chuun gbeer pu na, ki yeŋni ke libool aah yeŋni kitaabuŋ ni pu na. Dulnyaa aatunwanbir nyɔɔn u lii kitiŋ; ki ga lir, kaan ki fii kpala.

Aisaya 30:13

Ni jin libɔkpol a. Ni naahn ligoln li fɔk ki taa nween ki ti saa kitiŋ na la, libuul lee ni le ni ga lir.

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 50:11

Nimi bi mɔmɔk dak ke ni bii biken doo na, nimi nibaa aalandak ngbaan le ga doo nimi. Uwumbɔr ubaa le ga cha kina ŋa; ni ga ji falaa sakpen.

Aisaya 58:2

Binib bee dooni mi iwiin mɔmɔk, ki len ke bi neen ke bi li nyi maabimbin ki kii maakaal. Bi bui ke bi ban m tii bi ikaal i bi chob na la, ki bui ke bi neen ke bi li dooni mi.”

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Aisaya 65:11

“Le nimi bi yii mi na ma kan, naan li bi kina, nimi bi yii maagongoln Sionn li bi chain na, ki dooni ŋiwaa Gad ni Meni, ŋiwaa ŋi ni bui ke ŋi kpa liyimɔɔn na, ki siin nimi aabimbin aah ga li doo pu na.

Aisaya 66:17

Uwumbɔr ki len ke, “Binib bi toor bibaa ki dooni ŋiwaa, ki chɔl ki chaa ti toor tisamoor, ki ŋmɔ ugbeer, ni ŋilapol, ni tijikaar ti kaa ŋan na aadoon peen ni a.

Aisaya 66:24

“Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Jeremia 17:13

Uwumbɔr, sin le ye Israel yaab aamakl; binib bi mɔmɔk yii si na ga nan ji inimɔɔn. Bi ga wɔŋ ke ŋiyimbil ŋi bi ŋmee ŋi titan ni na la, ba pu? bi yii si Uwumbɔr u bi ke nnyunbun mu tii limɔfal na.

Jeremia 44:12

Juda aanib bi ma gur aan binimbil man ke bi buen ti li koo Ijipt aatiŋ ni na, see m kuln bi mɔmɔk. Binikpaam ni biwaatiib mɔmɔk ga kpo butɔb ni, ni nkon aakun, Ijipt aatiŋ ni. Binib yaa kan bi kan, bi ga li kpa ijawaan la; binib ga lik bi fam, ki li joo baayimbil puuni lir biken pu.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

1 Samuel 12:25

Ni mu yaa tee yii ki beenin tun titunwanbir kan, nimi, ni nimi aabɔr mɔmɔk ga kuln.”