Aisaya 1:27 - Uwumbɔr aagbaŋ

²⁷ Uwumbɔr aah ŋan pu na, u ga gaa Jerusalem, ni kaanib bi kpeln baabimbin na lii,

Aisaya 1:27 ပူးပေါင်းရင်းမြစ်များ

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 35:9

Ichinn aan li bi mu pu; tipeewanbir mu kibaa aan jer mu chee. Uwumbɔr aah gaa binib bi lii na le ga dii mu kun.

Aisaya 5:16

Uwumbɔr Mpɔɔnsakpiindaan ŋani ni ŋan na la, le waapɔɔn nyan mpaan pu. Le waah ga ji waanib tibɔr pu na le ga mɔk waah bi chain pu na.

Aisaya 51:4

Maanib, li pel man, li pel maah len pu na man: M joo maamɔkm tii ŋitimbol mɔmɔk; maakaal ga woln binimbil.

Aisaya 52:3

Tidindaan Uwumbɔr bui waanib ke, “Naah nan kpaln binaagbiib na, ubaa aa nan pan ni pu ŋimombil; kina pu na, ni yaa ban ni nya tinaagbiir ngbaan ni kan, ubaa aan ki pa ŋimombil.

Aisaya 54:14

Ibamɔn ni lituln li ŋan na le ga tii si mpɔɔn. Aa ga fuur limukl ni mbiin pu.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 63:4

Le m dakl ke n‑yoonn mu m ga di gaa maanib lii na fuu ni a; ni ŋeer ke m daa baadim aatafal.

Hosea 2:19

Israel, m ga di si ŋa mpuu, maan nya aapuwɔb, ki ga li bi mbamɔm aa chee; m ga mɔk si ngeehm mu bi n‑yoonn mɔmɔk na, ni kinimbaak, ki cha aa li ye min yoo ki ti saa n‑yoonn mu kaa kpa ndoon na.

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

1 Korenti 1:30

Uwumbɔr cha ni ni Yesu Kristo kpaan la, ki cha u ye timi aalan. Yesu pu, le u len ke timi aabɔr ŋan, ki ŋa timi waaninyaam, ki gaa timi lii.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.