Aisaya 1:25 - Uwumbɔr aagbaŋ

²⁵ M ga fii sil nimi Jerusalem aanib pu. M ga pu nimi mmii ni ke baah pu tikur mmii ni ki nyani tijɔŋ pu na.

Aisaya 1:25 ပူးပေါင်းရင်းမြစ်များ

Ilahn 119:119

Aa ŋani bibiindam mɔmɔk ke timoor na la, kina pu le m gee saakaal.

Aisaya 1:22

Jerusalem, n‑yoonn mubaa aa nan ŋan ke tikunabr na; le dandana ma, saa ki kpa tinyoor tibaa; aa nan naahn ndaan mu mɔ na la, le dandana ma kan, aa kpaln nnyun.

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Aisaya 4:4

Uwumbɔr aapɔɔn pu u ga ji linibol ngbaan tibɔr ki toor bi, ki finn nyan tibɔbir ni nsin mu nan kpir Jerusalem ponn ni na.

Jeremia 6:29

Nchaamii gaal sakpen, le tikur ti kaa ŋan na aa ŋmaa donni ki puu buen. Unii yaa ki bi toor maanib kan, ni ye fam la; ba pu? titunwanbirdam na aa nyan bi ni.

Jeremia 9:7

Kina pu le Uwumbɔr Mpɔɔnsakpiindaan bui ke, “M ga pu maanib mmii ni ke tikur na, ki nyan baajɔŋ le ki tɔŋ bi ki lik. Maanib tun titunwanbir, m ni bima ki kpa bayaar?

Esekiel 20:38

M ga nyan binib bi bi ni ponn ni ki ye bimɔyiib ni titunwanbirdam na. M ga nyan bi baah koo ntim mu ponn ni dandana na, ki mu aan cha bi gir ni Israel aatiŋ pu; le ni ga bee ke min le ye Uwumbɔr.”

Esekiel 22:19

Kina pu na, min Bidindaan Uwumbɔr le bui bi ke bi bi fam kina la. M ga kuun ni bi mɔmɔk nan kpaan Jerusalem aatiŋ ni

Esekiel 22:20

ke baah kuuni tikunabr, ni tikumann, ni tikur ti bi joo donni biini tiwan pu na, ni tikupinn aatakpal ŋani nchaamii ni pu na la. Maaŋuul li pɔɔ na ga donn bi ke tikur aatakpal aah donni mmii ni pu na la.

Esekiel 22:22

Bi ga donn Jerusalem aatiŋ ni ke tikunabr aah donni mmii ni pu na la, le bi ga bee ke bi bi kani min Uwumbɔr aaŋuul la.”

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Malakai 3:3

U ga nan ji tibɔr ibamɔn ni, ke unii u pu tikunabr mmii ni ki nyani tijɔŋ na la. Uchaa aah pu tikunabr ni salmaa mmii ni ki nyani tijɔŋ pu na, kina le Uwumbɔr aatuun ga nan toor bitotoorb, ki cha bi joo ni kitork bamɔnn nan tii Uwumbɔr.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Ikaal 32:43

Ŋitimbol mɔmɔk, ni li pak Uwumbɔr aanib, u dar binib bi ku waanib na aatafal. U ga di cha pinn waanib baatunwanbir, le ki daa waadim aatafal ki teen bi.”

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.