Aisaya 1:23 - Uwumbɔr aagbaŋ

²³ Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 1:23 ပူးပေါင်းရင်းမြစ်များ

2 Bibɔrb Aabɔr 36:14

Ki ki kpee na, Juda aasalolm, ni bitotoorb, ni binib ngbaan nan dii ŋitimbol ŋi mann goln bi na aah tun titunwanbir sakpen ki dooni ŋiwaa na aabimbin. Bi nan ŋa kina le ki bii Uwumbɔr Aadichal li Uwumbɔr ubaa ŋa li chain na.

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Ŋiyataŋak 17:23

Bibɔjirb bi kpa beebee na looni gaal igaŋgaŋlik la, kina pu na, mbamɔn aan ŋmaa ŋa.

Ŋiyataŋak 29:24

Aa yaa ye unaayuk aaŋeen aatɔ kan, aa tii aabaa titotonn la. Aa yaa len mbamɔn libɔjil ni kan, bi ga daa aatafal, le aa yaa nee kan, Uwumbɔr mu puuni lir aa pu.

Aisaya 1:17

ki bee ni ŋan na ki ŋa kina. Cha ibamɔn ŋa, ki ter bigiim, ki tii nkpobim baabamɔn, ki li kii bikpopiib.”

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Aisaya 1:22

Jerusalem, n‑yoonn mubaa aa nan ŋan ke tikunabr na; le dandana ma, saa ki kpa tinyoor tibaa; aa nan naahn ndaan mu mɔ na la, le dandana ma kan, aa kpaln nnyun.

Aisaya 28:14

Tɔ, nimi bigaadam bi joo Jerusalem aanib bimina na, li pel man Uwumbɔr aah len pu na.

Aisaya 3:14

Uwumbɔr kuun bininkpiib, ni binib bi ye bisalolm na ke u ji bi tibɔr. Waah di ngalm mu di bil bi na sɔ: “Ni sun biken aasar mpɔɔn pu, le nimi aadichal ni gbii tiwan ni ni gaa bigiim chee na.

Aisaya 30:1

Uwumbɔr len ke, “Binib bi joo Juda aatiŋ na aamɔfal junn a; ba pu? bi yii maamɔb. Bi dii isan i maa mɔk bi na; le bi ni biken kpaani kimɔbaan ki maa tuk bi ke bi kpaan na, le ki moo joo titunwanbir kpae titunwanbir pu.

Aisaya 33:15

Ni yaa len ki ŋani ni ŋan na kan, ni ga ŋmar. Taa di man nimi aapɔɔn di ji bigiim, ki taa gaa igaŋgaŋlik. Ni taa kpaani binib bi kpokl ke bi ku unii, bee binib bi tun titunwanbir na chee.

Aisaya 5:23

Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Aisaya 65:2

N‑yoonn mɔmɔk m nan gor ki kii ke m gaa maanib, le bi yii ki tun titunwanbir ki dii bibaa aasan.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Jeremia 32:32

Juda ni Jerusalem aanib, ni baabɔrb, ni baayidam, ni baatotoorb, ni bibɔnabr mɔmɔk aah tun titunwanbir ti mɔmɔk na pu.

Jeremia 4:17

ki ga lul goln Jerusalem ke bijab bi si kii nkpaakon na; ba pu? kaanib nyan Uwumbɔr aapuwɔb. Uwumbɔr le len kina.

Jeremia 5:5

M ga buen binib bi bi mpɔɔn ni na chee le ti ti gbaa tibɔr. Nibaakan, bima ga li nyi Baawumbɔr aah gee pu na, bima ga li nyi Uwumbɔr aah ban ke bi ŋa pu na.” Le bi mu mɔmɔk yii Uwumbɔr aamɔb ki nyan upuwɔb.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Esekiel 12:2

“Unibɔn, aa koo binib bi ye bimɔyiib na ponn ni la. Baah ye bimɔyiib na le bi kpa ŋinimbil, ki mu aa waa nibaa; bi kpa ŋitafal, ki mu aa ŋun tibɔr tibaa.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Hosea 4:18

Bi yaa ti nyun ndaan bab kan, le bi fii lir kidagook pu, le ki neen inimɔɔn n‑yoonn ngbaan ki jer kipak.

Hosea 5:10

Uwumbɔr bui ke, “Juda aanib aayidam aah koo Israel aatiŋ ni ki sun kaatiŋ ngem na, le maaŋuul fii. Kina pu na, m ga cha ntafadaan dan bi pu ke nwam na.

Hosea 9:15

Uwumbɔr bui ke, “Baatunwanbir mɔmɔk nan piin Gilgal aatiŋ ni la. Maa ki gee bi nima chee. Le baah tun titunwanbir ti na pu, m ga jenn nyan bi maatiŋ pu. Maan ki li kpa bi pu ngeehm; baasalolm mɔmɔk fii sil m pu la.

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Sekaria 7:10

Ni taa li muk bikpopiib, ni nkpobim, ni biwɔwɔm bi koo ni chee na, bee bifalaadam, ki taa ban isan ke ni tun niŋeen aatɔ taani.’

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Nkahm 22:7

Nima na, Moab yaab, ni Midiann yaab aayidam nan ban ŋimombil ŋi bi ga ti di pa tipuur ngbaan pu na, le ki buen Balaam chee ki ti bui u Balak aabɔr ngbaan.

Matiu 21:13

le ki bui bi, “Ni ŋmee Uwumbɔr Aagbaŋ ni ke Uwumbɔr len ke, ‘Bi ga yin Maadichal ke Mmeen Aadichal la;’ nimi le ŋani li bififiirb aakakaa chee.”

Tibɔnyaan ti Mak ŋmee ti na 11:17

Le u bui bi ke, “Ni ŋmee Uwumbɔr Aagbaŋ ni ke Uwumbɔr len ke, ‘Maadichal ga li ye mmeen aadichal, nin chee ŋinibol mɔmɔk mee mi na la;’ le nimi di li ŋa bififiirb aakakaa chee.”

Tibɔnyaan ti Luk ŋmee ti na 19:46

le ki tuk bi, “Ni ŋmee Uwumbɔr Aagbaŋ ni ke Uwumbɔr len ke, ‘Bi ga yin maadichal ke Mmeen Aadichal;’ tɔ, nimi le ŋa li bififiirb aakakaa chee.”

Tibɔnyaan ti Luk ŋmee ti na 24:27

Le Yesu ŋeer waabɔr ti ŋmee Uwumbɔr Aagbaŋ ni na mɔmɔk tuk bi. Njan u tuk bi Moses aah nan ŋmee ti pu na, le ki nin tuk bi Uwumbɔr aabɔnabtiib mɔmɔk aah nan ŋmee ti pu na.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.

1 Samuel 8:3

Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.