Aisaya 1:16 - Uwumbɔr aagbaŋ

¹⁶ Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Aisaya 1:16 ပူးပေါင်းရင်းမြစ်များ

2 Bibɔrb 17:13

Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 34:14

Fenn aapuwɔb tii titunwanbir, ki tun lituln li ŋan na; di aasui mɔmɔk ban nsuudoon linimaln.

Ilahn 37:27

Fenn aapuwɔb tii titunwanbir, ki li ŋani ni ŋan na, le aayaabitiib nan li bi kitiŋ kee pu n‑yoonn mɔmɔk,

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Ŋiyataŋak 21:3

Ŋa ni ŋan ki tok na. Nima le piir Uwumbɔr aasui ki jer saah kɔr tiwakor ti ke aa toor kitork tii u na.

Ŋiyataŋak 4:27

Nya kinimbɔŋ chee ki li chuun mbamɔm. Taa cha aataal libaa yenn mbamɔn chee.

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 25:5

Bi nan bui nimi ke ni di cha nimi aabiin aabimbin mu ni bi na, ki di cha titunwanbir ti ni tun na, aan ki li beenin koo kitiŋ ki pu Uwumbɔr nan di tii nimi ni niyaajatiib, ke ki li ye nimi aawan n‑yoonn mɔmɔk na.

Jeremia 26:3

Nibaakan, binib ngbaan ga ŋun ki di cha baatunwanbir aabimbin. Bi yaa ŋun kan, m ga kpeln maalandak ki taa ki cha libiil li m ba ga joo ni bi pu, baabiin aatuln pu na, dan bi pu.”

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Jona 3:8

Binib mɔmɔk peen tiwanpeenkaan ni saak kuub na ki di kina aawanpeenkaan paan tiwakor mu pu. Unii mɔk mee Uwumbɔr ni linimaln, ki di cha mbiin ni titunwanbir aabimbin.

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Sekaria 7:7

Buyoonn Jerusalem aatiŋ nan kpa liwangol ni binib na, kina le Uwumbɔr nan cha n‑yaayoonn na aabɔnabr nan len. N‑yoonn ngbaan, binib pam nan koo ntim mu mann goln Jerusalem na ni, ni ŋŋangii wɔb aapepel ni, ni liwilir wɔb aataataab aagongon na mu ni.

Matiu 3:8

Ni li tun lituln li ga mɔk ke ni sil kpeln nimi aabimbin na,

Lituln 22:16

Taa taan. Fiin, ki yin waayimbil ki mee u, ki cha m muin si nnyun ni, ki finn aapobil saatunwanbir pu.’”

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.

1 Piita 2:1

Nima pu na, ni taa ki li kpa kinanaŋ, ki taa ki ŋmanni tɔb, ki taa li ye binib bi ŋmanni ke bi ŋan na, ki taa li kpa lipiipoln, ki taa li bii binib.

1 Piita 3:11

ki taa ki tun lituln li kaa ŋan na; u tun lituln li ŋan na, ki li ban nsuudoon linimaln;

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.