Aisaya 1:15 - Uwumbɔr aagbaŋ

¹⁵ “Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 1:15 ပူးပေါင်းရင်းမြစ်များ

1 Bibɔrb 8:22

Binib ngbaan aanimbiin ni nima, le Solomonn nan buen ti sil kitork aabimbiln chee, ki yoor uŋaal paacham,

1 Bibɔrb 8:54

Solomonn aah mee Uwumbɔr ti doo na, le u fii sil kitork aabimbiln taab, waah ba gbaa nin chee ki joo uŋaal paacham na.

Esra 9:5

Kijook aatork aayoonn aah nan fuu ni na, le m fii maah ka nin chee ki wii na, ki beenin pee maawankpir na, le ki gbaan, ki yoor ŋŋaal paacham, ki mee Ndindaan Uwumbɔr.

Job Aagbaŋ 27:20

Ijawaan sakpiin ga dan mala ke nwam na la; le libuln ga nan daa bi kinyeek buen;

Job Aagbaŋ 35:13

Baawiil ye fam la; Uwumbɔr Mpɔɔnsakpiindaan aa waa bi le kaa kpaan ŋun bi pu.

Ilahn 134:2

Yoor niŋaal paacham Waadichal ni, ki mee uma Uwumbɔr ki pak u man.

Ilahn 55:1

Uwumbɔr, ŋun maameel, taa fenn aapuwɔb tii maah gaŋni si pu na.

Ilahn 66:18

M yaa nan ba di maatunwanbir bɔr nsui ni kan, Uwumbɔr aa ba ga pel m chee.

Nnyam 9:29

Moses nan bui u ke, “M yaa nyan kitiŋ kee ni kan, libuul ngbaan ni, le m ga yoor ŋŋaal paacham ki mee Uwumbɔr, le utaal aan ki teen, ŋitaatakpal mu aan ki lir, nima kan, aa ga bee ke Uwumbɔr le yeh dulnyaa wee mɔmɔk.

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Aisaya 4:4

Uwumbɔr aapɔɔn pu u ga ji linibol ngbaan tibɔr ki toor bi, ki finn nyan tibɔbir ni nsin mu nan kpir Jerusalem ponn ni na.

Aisaya 45:15

Israel yaab Aawumbɔr u gaal waanib lir na, u ye Uwumbɔr u bɔrni ubaa pu na la.

Aisaya 58:4

Nimi aamɔlul aayoonn le ni waar le ki kpak ki jaa. Ni dak ke kimɔlul kimina aaboln ga cha m pel nimi aameel aa?

Aisaya 58:7

Yakr man nimi aajikaar tii nkon aah joo binib bi na, ki piir nimi aadichal tii bigiim bi kaa kpa nkookoo yaan na. Tii binib bi kaa kpa nibaa peeni na bi peen, ki li joo nido yaab man.

Aisaya 64:7

Ubaa aa fenn toŋ ni si ki mee si; ubaa aa chaa aa chee ki ban nterm. Aa di aabaa bɔr ti chee, ki di timi mee, timi aatunwanbir pu.

Aisaya 8:17

Uwumbɔr di ubaa bɔr waanib chee, le mma kii tii u, ki kpa limakl u pu.

Jeremia 11:11

Tɔ, le min Uwumbɔr sak bi ke m ga cha libiil dan bi pu, le baan ŋmar. Bi yaa wii yin mi ki ban nterm kan, maan pel bi chee.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Esekiel 11:6

Ni ku binib kitiŋ kee ponn ni do sakpen, le ŋinikpol dɔ gbii ki ponn ni.

Esekiel 14:3

“Unibɔn, bijab bimina di bibaa tii ŋiwaa le ki cha ŋi joo bi tun titunwanbir. Bi dak ke m ga gar bi ii?

Esekiel 39:23

Nima le ŋitimbol ga bee ke Israel yaab aah tun mi titunwanbir ti pu na, le bi nan chur bi tinaagbiir. M nan fenn mpuwɔb tii bi, ki cha baadim nyaŋ bi, ki ku bi butɔb ni.

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Maika 3:4

N‑yoonn choo le ni ga nan wii ban Uwumbɔr chee nterm, le waan gar nimi. Waan ŋun nimi aameel; ba pu? ni tun titunwanbir la.

Sekaria 7:13

Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

Matiu 6:7

“Ni yaa mee Uwumbɔr kan, ni taa len yɔl yɔl aabɔr ke binib bi kaa dii Uwumbɔr aasan na aah len pu na. Bi dak ke bi yaa len sakpen kan, nima le ga cha Uwumbɔr ŋun.

Jɔnn 9:31

Ti nyi ke Uwumbɔr aan ŋun titunwanbirdam aameen. Unii yaa dii Uwumbɔr ki ŋa Uwumbɔr aageehn kan, uma le Uwumbɔr ga ŋun waameen.

1 Timoti 2:8

M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.