Aisaya 1:14 - Uwumbɔr aagbaŋ

¹⁴ Nimina mɔmɔk ye lituln li m nan bak ki ki bak li pu na la.

Aisaya 1:14 ပူးပေါင်းရင်းမြစ်များ

1 Bibɔrb Aabɔr 23:31

ni n‑yoonn mumɔk bi di ipiin see mmii ni tii Uwumbɔr, Likpaakool daal, ni Uŋmapɔɔn aajim daal, ni njim mu mɔmɔk gur na aayoonn na. Bi nan siin ikaal ki mɔk Liifai aanib aah ga li wiir pu ki tun lituln mɔk aabɔŋ n‑yoonn n‑yoonn na. Liifai yaab aatuln le nan ye ke bi li dooni Uwumbɔr n‑yoonn mɔmɔk.

Aisaya 29:1

Uwumbɔr aatork aabimbiln, li ye Jerusalem na, kuln a. Kitisakpeŋ ki ubɔr David nan koo ki ponn ni na kuln a. Cha libiln libaa bee ŋilee jer, ŋi ni ŋaajim, ni mu aawanpɔɔn aajim,

Aisaya 29:2

le Uwumbɔr ga di tibɔbir lii kitisakpeŋ ki bi yin ki ke “Uwumbɔr aatork aabimbiln” na pu. Ikpowiil ni iwiil ga li bi ki ponn ni, le kitisakpeŋ ngbaan mɔmɔk ga li gbii nsin ke kitork aabimbiln paab na.

Aisaya 43:24

Naa nan daa tulalee aayon tii mi, kaa nan di nimi aawakor aakpan tii mi. Naah nan tee tii mi tiwan ni na le ye nimi aatunwanbir; ni nan cha nlaasaab ti nyan mbaa ni nimi aatunwanbir ti ni tun na pu.

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Aisaya 66:23

Uŋmapɔɔn aajim, ni Likpaakool daal aakuun mɔmɔk ponn ni, ŋitimbol mɔmɔk aanib ga dan Jerusalem do le nan doon mi.” Uwumbɔr le len kina.

Aisaya 7:13

Waah len kina na, le Aisaya giin bui u ke, “Ubɔrkpaan David aayaabitiib, li pel man, naa ŋan ke ni cha unibɔn aalaasaab nyan nimi ni, le ni ki ban ke Uwumbɔr mu aalaasaab nyan nimi ni ii?

Hosea 2:11

M ga kuln waajim mɔmɔk; m ga kuln libiln libiln, ni uŋmal uŋmal, ni likpaakool daal aajim, ni njim mu u siin na mɔmɔk.

Hosea 5:7

Bi nyan Uwumbɔr aapuwɔb; kina pu le baabim aa ye waabim. Kina pu le naan yunn le baatim ga kuln.

Amos 2:13

Dandana, m ga ŋa nimi ke unii u tu lituln aan li nyaŋ u na la.

Amos 5:21

Uwumbɔr ki len ke, “Maa gee naah kuuni ki ji njim ki dooni mi pu na; naa ŋan m chee kpala.

Sekaria 11:8

Maaŋuul nan fii bipihkpaab bitaa bi kaa gee mi na pu, le m jenn bi mɔmɔk uŋmabaan ni.

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”