Aisaya 1:13 - Uwumbɔr aagbaŋ

¹³ Nimi aapiin i ni joo ni na aa kpa tinyoor tibaa. Naah seer tulalee aayon mu na kpa mi liŋuul la. Nimi aaŋmapɔɔn aajim, ni nimi aakpaakool daal aajim, ni naah kuuni pu na, maa gee ni, ni di nimi aatunwanbir bii ni mɔmɔk a.

Aisaya 1:13 ပူးပေါင်းရင်းမြစ်များ

2 Bibɔrb 4:23

Le uchal baa u ke, “Ba ŋa aa ban aa buen din wee? Naa ye Likpaakool daal, kaa ye Uŋmapɔɔn Aajim aayoonn mu.” Le u gar u ke, “Taa cha ni muk si.”

1 Bibɔrb Aabɔr 23:31

ni n‑yoonn mumɔk bi di ipiin see mmii ni tii Uwumbɔr, Likpaakool daal, ni Uŋmapɔɔn aajim daal, ni njim mu mɔmɔk gur na aayoonn na. Bi nan siin ikaal ki mɔk Liifai aanib aah ga li wiir pu ki tun lituln mɔk aabɔŋ n‑yoonn n‑yoonn na. Liifai yaab aatuln le nan ye ke bi li dooni Uwumbɔr n‑yoonn mɔmɔk.

Ilahn 78:40

N‑yoonn mɔmɔk ni, bi nan yiil waamɔb nteersakpiin ni la; N‑yoonn mɔmɔk bi nan bii usui la.

Nnyam 12:16

Njan aawiin, ni winlole daal, ni kuun ni tɔb ki nan doon mi. Ubaa taa tun lituln libaa iwiin ngbaan ni; ni mu tee ga ŋmaa ŋa tijikaar ki ji.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ŋiyataŋak 7:14

“M toor maatork din le ki kan tinann kitork ngbaan ni.

Aisaya 66:23

Uŋmapɔɔn aajim, ni Likpaakool daal aakuun mɔmɔk ponn ni, ŋitimbol mɔmɔk aanib ga dan Jerusalem do le nan doon mi.” Uwumbɔr le len kina.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Inandalahn 2:6

Waadichal li ponn ni ti nan dooni u na, le u gbaa wii li yuk yuk. U kuln ŋikpaakoo, ni iwinyaan daal. Waaŋuul aapɔɔn fuu bibɔrb ni bitotoorb mu chee.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Hosea 2:11

M ga kuln waajim mɔmɔk; m ga kuln libiln libiln, ni uŋmal uŋmal, ni likpaakool daal aajim, ni njim mu u siin na mɔmɔk.

Joel 1:14

Cha binib mɔmɔk lul bumɔb man; yin binib mɔmɔk aan bi kuun ni. Kuun binib bimɔk ye bisalolm na, ni Juda aatiŋ aanib mɔmɔk aan bi mɔmɔk dan Nidindaan Uwumbɔr Aadichal ni ki nan wii yin u.

Joel 2:15

Pii kakaan Sionn aajool paab man; cha binib mɔmɔk lul bumɔb ki kuun bi mɔmɔk kpaan.

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Nkahm 10:2

“Di baah di ligagaar gbaa tikunabr ti na ŋa kakaan tiib bilee, ki li joo pii yin maanib bi kuuni, ki fiini bi baah ka nin chee na mu.

Matiu 15:9

Bi dooni u yɔli la, ki mɔk binib biyaajatiib aakaal ke ni ye waakaal la.’”

Tibɔnyaan ti Luk ŋmee ti na 11:42

“Nimi Farisii yaab, tibɔbir bi ni pu; ba pu? ni yakr tikpifar nfum kipiik le ki nyan nibaa le di tii Uwumbɔr, kaa ŋani ni ŋan na, kaa gee Uwumbɔr. Ni ŋan ke ni li ŋani ni ŋan na, ki li gee Uwumbɔr, ki yakr nimi aawan mu ki di tii u.

1 Korenti 11:17

Tɔ, maah ban m tuk nimi pu na, maan ŋmaa pak nimi. Ni kuuni tɔb chee, kaa ŋani tiwan ni ga ter nimi na, le ki tee ŋani tiwan ni kaa ŋan na. Nimina pu, maan ŋmaa pak nimi.

Efesusi 4:30

Ni taa ŋani tiwan ni ga tii Uwumbɔr Aafuur Nyaan mpombiin. Nfuur Nyaan ngbaan ye kidaan, le Uwumbɔr di daan nimi, ki mɔk ke uma le yeh nimi. N‑yoonn mbaa bi ki choo, u ga nan gaa nimi lii kookoo.

Filipi 1:15

Binib bibaa kpa lipiipoln m pu, ki ban baayimbil. Nima le cha bi mooni Kristo aabɔr. Bi ban ke binib nyuŋ bi la. Binimbil aa man Kristo aabɔr pu. Maah bi kiyondiik ni Yesu aabɔr pu na, le bi ban ke m ji falaa ki kpee. Nima le cha bi mooni Yesu aabɔr. Bibaa mu bi, ki mu gee mi ki mooni Kristo aabɔr ke bi ter mi; ba pu? bi bee ke Uwumbɔr le cha m bi do ke m len Yesu aabɔnyaan tee aabamɔn.