Aisaya 1:1 - Uwumbɔr aagbaŋ

¹ Tibɔr ti bi kigbaŋ kee ponn ni na ye Juda ni Jerusalem aatim aabɔr le Uwumbɔr nan kpiir tuk Amos aajapɔɔn Aisaya. Ni nan ye buyoonn bibɔrb binaa bee nan jin jin nnaan Juda aatiŋ ni ki paan tɔb pu na la. Njan, ubɔr Usia le nan jin nnaan, le ubɔr Jotam nan paan u pu, le ubɔr Ahas mu nan paan Jotam pu, le Hesekia nan gbeln puwɔb.

Aisaya 1:1 ပူးပေါင်းရင်းမြစ်များ

2 Bibɔrb 15:1

Israel yaab aabɔr Jeroboam aanaan aabin moninko ni lilolole ponn ni, le Amasia aajapɔɔn Usia nan jin Juda aanaan.

2 Bibɔrb 15:13

Juda yaab aabɔr Usia aanaan aabin piitaa ni ŋiwae ni, le Jabes aajapɔɔn Salum nan jin Israel aanaan, le ki nan bi Samaria aatiŋ ni ki joo waanib uŋmal ubaa.

2 Bibɔrb 15:32

Remalia aajapɔɔn Peka aah nan ye Israel yaab aabɔr pu na aabileler ni, le Usia aajapɔɔn Jotam jin Juda aanaan.

2 Bibɔrb 15:7

Usia nan kpo le bi di u sub nnaan aacheek ni, David Aatiŋ ni, le ujapɔɔn Jotam nab waanaan pu.

2 Bibɔrb 18:1

Ela aajapɔɔn Hosea aah nan jin Israel aanaan na aabitatar ni, le Ahas aajapɔɔn Hesekia nan jin Juda aanaan.

2 Bibɔrb 19:2

le ki tun Eliakim, u ye libɔrdichal ponn ni aaninkpel na, ni Sebna, u ye nnaan aabɔr mɔmɔk aaninkpel na, ni Uwumbɔr aatotoorninkpiib, ke bi buen Uwumbɔr aabɔnabr Aisaya u ye Amos aajapɔɔn na chee. Binib ngbaan mɔmɔk mu nan pee tiwan ni saak kuub na la.

2 Bibɔrb Aabɔr 26:1

Juda aanib mɔmɔk nan lee Amasia aajapɔɔn Usia le ki di ŋa ubɔr. U nan ye ŋibin kipiik ni ŋiloob aanii la.

2 Bibɔrb Aabɔr 26:22

Amos aajapɔɔn Aisaya u nan ye Uwumbɔr aabɔnabr na nan ŋmee Ubɔr Usia aah nan ye ubɔr pu na aatun ŋiken aabɔr mɔmɔk bil.

2 Bibɔrb Aabɔr 27:1

Jotam nan ye ŋibin moninko ni ŋiŋmu aanii le ki jin nnaan, le ki ka Jerusalem ni, ki joo waanib ki ti saa ŋibin kipiik ni ŋiloob. Bi nan yin una ke Jerusa, le ki yin una aate ke Sadok.

2 Bibɔrb Aabɔr 28:1

Ahas nan ye ŋibin moninko aanii le ki jin nnaan, le ki ka Jerusalem ni, ki joo waanib ki ti saa ŋibin kipiik ni ŋiloob. Waa nan dii uyaaja Ubɔr David aah nan dii nsanyaan mu na. Uma nan labr tun Uwumbɔr aah kaa gee pu na la,

2 Bibɔrb Aabɔr 29:33

Bi nan ki joo ni inaaja ikui iloob ni ipiih ŋichur ŋitaa ki nan toor ke binib ngbaan ŋmɔ ima.

Ilahn 89:19

N‑yoonn mu jer na le aa nan kpiir tuk saatutum bi dii si mbamɔm na ke, “M tii butɔb aajakpaan ubaa nterm; m di libɔrjal tii unii u m lee u binib ngbaan ponn ni na.

Aisaya 13:1

Amos aajapɔɔn Aisaya aah gaa Uwumbɔr chee Babiloŋ aanaŋ i na sɔ:

Aisaya 2:1

Uwumbɔr aah nan di Juda ni Jerusalem aatim aabɔr ti tuk Amos aajapɔɔn Aisaya na sɔ:

Aisaya 20:2

Ŋibin ŋitaa waahr aan nimina nin ŋa na, Uwumbɔr nan bui Amos aajapɔɔn Aisaya ke u takr waanaatak ki peer tiwanpeenkaan ni saak kuub na. U nan kii Uwumbɔr aamɔb ki nan gur chuun uŋmeen kaa tak ŋinaatak.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 37:2

le ki tun Eliakim, libɔrdichal ponn ni aaninkpel, ni Sebna, u ye nnaan aabɔr mɔmɔk aaninkpel na, ni Uwumbɔr aatotoorninkpiib, bi buen Uwumbɔr aabɔnabr Aisaya u ye Amos aajapɔɔn na chee. Binib ngbaan mɔmɔk mu nan pee tiwanpeenkaan ni saak kuub na la.

Aisaya 38:1

N‑yoonn mumina le ubɔrkpaan Hesekia nan buŋ ki ti gur siib u kpo. Uwumbɔr aabɔnabr Aisaya, u aate nan ye Amos na nan buen u ti mann u, le ki ti bui u ke, “Uwumbɔr bui ke, ‘Gor tiwan mɔmɔk, ba pu? saan ŋmar. Gor ki li kii nkun.’”

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 6:1

Libiln li ponn ni ubɔrkpaan Usia nan kpo na, le min Aisaya nan kan Ndindaan. U nan ka waabɔrjal pu, ki kpa bunyuŋ, le waawanpeenkaan gbiin waadichal ngbaan mɔmɔk.

Aisaya 7:1

Buyoonn ubɔrkpaan Jotam aajapɔɔn Ahas, u aayaaja ye Usia na, nan ye Juda aatiŋ aabɔr na, le butɔb nan fii nima. Resinn, u ye Siria aabɔrkpaan na, ni Remalia aajapɔɔn Peka, u ye Israel aabɔrkpaan nan buen ti tak Jerusalem yaab, le kaa ŋmaa nyaŋ bi.

Jeremia 23:16

Uwumbɔr Mpɔɔnsakpiindaan bui Jerusalem aanib ke, “Taa pel man bibɔnabr ngbaan aah len pu na; bi joo inyamɔn aamakl le gbiini nimi. Bi tuk nimi bima bibaa aah kal ki dakl pu na la, naa ye min mbaa aah len pu na.

Esekiel 1:1

Ŋibin piitaa aaŋmanaa aawiin iŋmu daal, le min Esekiel u aate ye Busi, aan m ye utotoor na, ni Juu yaab biken bi nan bi tinaagbiir ni na, nan koo gbɔk Kebar Aamɔɔl, Babiloŋ aatiŋ ni. Kitaapaak nan chuu piir, le Uwumbɔr kpiir ubaa mɔk mi.

Hosea 1:1

Bibɔrb bimina aah nan jin jin nnaan ki paan paan tɔb pu n‑yoonn mu aan Jehoas aajapɔɔn Jeroboam mu nan ye Israel aabɔr na, le Uwumbɔr nan di tibɔr timina tuk Beeri aajapɔɔn Hosea: Juda aabɔrb ngbaan le nan ye Usia, uma le nan puen jin nnaan, le Jotam paan u pu, le Ahas mu nan paan Jotam pu, le Hesekia ti gbeln puwɔb.

Amos 1:1

Tibɔr ti Amos u ye upihkpaal ki nyan ni Tekoa aatiŋ ni na nan len na sɔ. Ŋibin ŋilee waahr aan kitiŋ nin deŋ na, n‑yoonn ngbaan le Usia nan ye Juda aabɔrkpaan aan Jehoas aajapɔɔn Jeroboam mu nan ye Israel aabɔrkpaan na, le Uwumbɔr nan kpiir Israel aatiŋ aabɔr timina mɔmɔk tuk Amos.

Amos 4:5

Di nimi aaboroboro tii Uwumbɔr ki doon u waah ter nimi pu na, ki li kpa kipupuk naah ki tii ipiin i kpee na pu. Naah gee ke ni li ŋani tiwan ni na le na.

Maika 1:1

N‑yoonn mu bibɔrb bitaa bimina nan jin nnaan Juda aatiŋ pu ki paan paan tɔb pu na, le Uwumbɔr nan di tibɔr timina tuk waabɔnabr Maika, u ye Moresef aatiŋ ni aanii na. Bibɔrb ngbaan sɔ: Jotam le nan puen jin nnaan, le Ahas paan u pu, le Hesekia nan gbeln puwɔb. Uwumbɔr nan kpiir Samaria ni Jerusalem aatim aabɔr tee mɔmɔk le tuk Maika.

Nahum 1:1

Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.

Habakuk 2:2

Le Uwumbɔr gar mi ke, “Ŋmee tibɔbɔrkaan ti m ga kpiir tuk si na tiyakr aapen pu, aan unii umɔk yaar tuur ti pu na ga ŋmaa karn ti;

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Nkahm 24:16

ki ŋun Uwumbɔr aah len pu na aabɔr. Uwumbɔr u kaa kpa ŋeen aatɔ na le tii mi nnyim mu nyan ni u chee na. Maah dɔ ke maah geen na, le m likr ki kan Uwumbɔr Mpɔɔnsakpiindaan kpiir tibɔr tee mɔk mi.

Nkahm 24:4

ki ŋun Uwumbɔr aah len pu na aabɔr. Maah dɔ ke maah geen na, le m likr ki kan Uwumbɔr Mpɔɔnsakpiindaan aah kpiir mɔk mi pu na:

Matiu 17:9

Le bi gir sunn ni lijool ngbaan taab. Baah bi sunni na, le Yesu bui bi, “Ni taa tuk ubaa naah kan pu na, ki nan saa buyoonn min Unibɔn Aabo ga fikr nkun ni na.”

Lituln 10:17

Le Piita dakl lik ke u bee lijinjiir aawan ngbaan aatataa. Ni nan ŋa u ilandak. N‑yoonn ngbaan binib bi nyan ni Konelius do na baa binib, ki bee Simonn do, ki si mbisamɔb chee,

Lituln 26:19

“Ubɔr Agripa, maah kan lijinjiir aawan paacham pu na, le m kii Yesu aamɔb.

2 Korenti 12:1

See m puk kipupuk. Ni mu aa kpa tinyoor. M ga tuk nimi Tidindaan aah mɔk mi lijinjiir aawan pu ki kpiir tibɔr ti tuk mi na.

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.