3 Jɔnn 1:11 - Uwumbɔr aagbaŋ

¹¹ Njɔgeehn, taa dii unii u kaa ŋan na aataabuu. Li dii unii u ŋan na aataabuu. Unii umɔk ŋani ni ŋan na kan, u ye Uwumbɔr yoo la. Unii umɔk ŋani ni kaa ŋan na kan, waa nyi Uwumbɔr.

UWONBƆR A GBƆNPƆŊ LIKƆƆNL

¹¹ N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.

3 Jɔnn 1:11 ပူးပေါင်းရင်းမြစ်များ

Ilahn 34:14

Fenn aapuwɔb tii titunwanbir, ki tun lituln li ŋan na; di aasui mɔmɔk ban nsuudoon linimaln.

Ilahn 37:27

Fenn aapuwɔb tii titunwanbir, ki li ŋani ni ŋan na, le aayaabitiib nan li bi kitiŋ kee pu n‑yoonn mɔmɔk,

Nnyam 23:2

Ni taa kpaan kinipaak chee n‑yoonn mu bi ti ŋa mbiin na, ki taa kpaan bi chee ki kii inyamɔn aaseeraa.

Ŋiyataŋak 12:11

Ukpaal u tun sakpen na kpa sakpen ke u ji, le ni ye kijɔrk ke aa li chuun tun ŋitun ŋi kaa kpa tinyoor tibaa na.

Jɔnn 10:27

Maanib ŋun maaneel, le m nyi bi, le bi dii mi.

Jɔnn 12:26

Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

Jɔnn 3:20

Unii umɔk tun lituln li kaa ŋan na, u nan nwiihn la, kaan dan nwiihn ponn ni, binib taa kan waah tun pu na.

1 Korenti 11:1

Ni li dii maataabuu man, ke maah dii Kristo aataabuu pu na.

1 Korenti 4:16

Nima pu na, m gaŋni nimi, ni li dii ke maah dii pu na.

Efesusi 5:1

Naah ye Uwumbɔr aabigeehm na, pɔɔk nibaa man, ki li bi ke waah bi pu na.

Filipi 3:17

Nnaabitiib, ni li kpaan kimɔbaan ki dii maataabuu, ki lik binib bi dii ke taah dii pu na.

1 Tesalonika 1:6

Le ni nan ŋakni timi ni Tidindaan; ba pu? ni gaa Yesu aabɔr ki kan falaa sakpen tibɔr ngbaan pu, ki mu nan kpa mpopiin mu Uwumbɔr Aafuur Nyaan tii nimi na.

1 Tesalonika 2:14

Nnaabitiib, ni ŋakni Uwumbɔr aanib bi bi Judea aatim ni ki kuuni Yesu Kristo aayimbil pu na; kinye pu? nido yaab aah ŋa nimi falaa pu na, Juu yaab ŋa bi mu falaa kina la.

2 Timoti 3:10

Sin ma kan, aa dii maah mɔk si pu na, ki dii maabimbin aah bi pu na. Maah ban ke m li ŋani pu na, aa mu ban kina la. Aa nyi maah tii Yesu naadii pu na, ki nyi maah kpa limɔr, ni ngeehm, ni suklaa pu na.

Hiibru Yaab 6:12

Ni taa li san ligbanyakl man. N‑yaayoonn na aanib bi nan gaa Uwumbɔr ki kii ki jin suklaa na, bi bi paacham ki kan waah puu tipuur ti ke u ga tii bi na. Ni mu li dii baah dii pu na.

1 Piita 3:11

ki taa ki tun lituln li kaa ŋan na; u tun lituln li ŋan na, ki li ban nsuudoon linimaln;

1 Piita 3:13

Tɔ, ninimbil yaa man lituln li ŋan na pu kan, ubaa ga ŋa nimi bakaa aa?

1 Jɔnn 2:29

Ni nyi ke Yesu ye mbamɔndaan la. Nima pu le ni bee ke unii umɔk ŋani ni ŋan na ye Uwumbɔr aabo.

1 Jɔnn 3:10

Unii umɔk kaa ŋani ni ŋan na aa ye Uwumbɔr aabo. Unii umɔk kaa gee una aabo na, u mu aa ye Uwumbɔr aabo. Nima le cha ni beer binib bi ye Uwumbɔr aabim na, ni binib bi ye kinimbɔŋ aabim na.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.