2 Timoti 4:5 - Uwumbɔr aagbaŋ

⁵ Sin ma kan, chuu aabaa n‑yoonn mɔmɔk, ki ji suklaa falaa ponn ni, ki tuk binib tibɔnyaan tee, ki tun lituln li Uwumbɔr di siin si na mɔmɔk.

UWONBƆR A GBƆNPƆŊ LIKƆƆNL

⁵ Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.

2 Timoti 4:5 ပူးပေါင်းရင်းမြစ်များ

Aisaya 62:6

Sin Jerusalem, saagon paab le m ga kaan bikikiib; bi taa li ŋmin nwiin pu ni kinyeek mu. Bi li teer Uwumbɔr tipuur ti u puu na, ki taa cha u suln ti.

Jeremia 6:17

Le Uwumbɔr ban bikikiib ke bi li pel n‑yoonn mu ukpiin ga nan wii na. Le bi mu bui ke, “Taan pel.”

Esekiel 3:17

U nan len ke, “Unibɔn, m di si ŋa Israel aatimbol aakikiir la. Aa di nsakm mu m di tii si na nabr bi.

Esekiel 33:2

“Unibɔn, bui saanib maah joo ni butɔb kitiŋ pu kan, tiwan ni ŋani na. Litingbaln ngbaan aanib nyan ni bi ponn ni ubaa le u ye ukikiir.

Esekiel 33:7

“Tɔ, unibɔn, m di si ŋa Israel aatimbol aakikiir la. Aa di nsakm mu m di tii si na nabr bi.

Matiu 25:16

Ututunn u nan joo ŋichur ŋiŋmu na, libuul ngbaan ni le u tiir kitiir, ki kan tinyoor ŋichur ŋiŋmu ki di kpee.

Tibɔnyaan ti Mak ŋmee ti na 13:34

Ni naahn uja u nan ban u chuun nsan, ki tuk waatutum ke bi li joo waadichal mbamɔm, ki mɔk bi mɔmɔk baah ga tun lituln li na, ki tuk ukikiir na ke u li kii, le ki nin buen.

Tibɔnyaan ti Mak ŋmee ti na 13:37

Maah tuk nimi pu na, m tuk binib mɔmɔk la, li nyi man.”

Tibɔnyaan ti Luk ŋmee ti na 12:37

Bitutum bi lik bidindaan aah ga fuu ni pu na, Uwumbɔr aanyoor bi bi pu. M tuk nimi mbamɔn la, u ga cha bi kal, ki ga di tijikaar siin binimbiin ni.

Lituln 21:8

Naah woln kitaak na, le ti nyan kitiŋ ngbaan ni, ki ti fuu Siisarea aatiŋ ni. Taah ti fuu nima na, ti nan buen Filip do, ki ti koo udo. U nan ye unii u tuk binib Yesu aabɔnyaan na la. Baah nan nyan bijab bilole bi Jerusalem ponn ni, ke bi li yakr tijikaar tii Yesu aanib na, u nan ye bijab bilole ngbaan ponn ni ubaa.

Rom Yaab 15:19

Uwumbɔr Aafuur Nyaan aapɔɔn pu le m tun lijinjiir aatun, ke bi bee waah kpa mpɔɔn pu na. Kina le m mooni Kristo aabɔnyaan mɔmɔk Jerusalem ponn ni, ki di ti saa Ilirikum aatiŋ ni.

Efesusi 4:11

Uma le tii binib ipiin. U nan nyan bibaa bi li ye waakpambalb, bibaa mu li ye waabɔnabtiib, bibaa mu li mooni tibɔnyaan tee na, bibaa mu li ye waanib aaninkpiib, bibaa mu li ye waabɔr aamɔmɔkb.

Efesusi 4:12

Kristo le di binib ngbaan mɔmɔk tii timi waanib, ke bi toor timi aabimbin, ti ti tun waatuln, ki ter tɔb, aan ti mɔmɔk li dii u mbamɔm,

Kolosiya 1:25

Uwumbɔr nan ŋa mi waanib aatutunn, ki di lituln siin mi, ke m tun ki ter nimi. Lituln ngbaan le ye ke m tuk nimi waabɔr mɔmɔk pel pel.

Kolosiya 4:17

Tuk Akipus ke Tidindaan aah tii u lituln li ke u tun na, u li nyi ki tun li mbamɔm.

1 Tesalonika 5:6

Nima pu na, ti taa li geeni, ke biken aah geeni pu na. Cha ti li kii, ki chuu tibaa man.

1 Timoti 4:12

Taa cha bi lik si fam ke aa ye unachipɔɔn la. Li len iliinyaan, ki li bi mbamɔm, ki li gee binib, ki li tun Uwumbɔr aatuln mbamɔm, ki li bi chain, aan ki li ye limɔkl ki mɔk binib bi gaa Yesu ki kii na baah ga li dii mbamɔm pu na.

1 Timoti 4:15

Maah tuk si pu na, li ŋani kina mbamɔm ki cha aanimbil li man ni pu, aan binib mɔmɔk bee saah dii Yesu aasan mbamɔm pu na.

2 Timoti 1:8

Nima pu na, tuk binib Tidindaan aabɔr, ki taa san inimɔɔn. Maah bi kiyondiik ni Tidindaan pu na, taa cha inimɔɔn li joo si kina pu. Aa mu li ji falaa Yesu aabɔnyaan tee pu, Uwumbɔr aah tii si mpɔɔn pu na.

2 Timoti 2:10

Nima pu le m kpa limɔr falaa mɔmɔk ni, binib bi Uwumbɔr nyan bi na pu, aan bi mu kpaan Yesu Kristo ni, ki ŋmar, ki li kpa mpopiin mu kaa kpa ndoon na.

2 Timoti 2:3

Ji falaa Yesu Kristo pu ke waajanyaan na.

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.

Hiibru Yaab 13:17

Ni li keei nimi aayidam aamɔi man, ki taa kpak bi. Bitafal bi ni ponn ni, ke ni dii Uwumbɔr aasan mbamɔm. Bi nyi ke see bi mɔk Uwumbɔr baah nan joo nimi pu na. Ni yaa keei baamɔi kan, bi ga li kpa mpopiin, le ki joo nimi. Ni yaa kaa keei baamɔi kan, bi ga li kpa mpombiin, le ki joo nimi. Nima le aan ŋa nimi tinyoor.

1 Piita 1:13

Nima pu na, ni li dak ilandak i ŋan na, ki li chur nibaa, ki li kpa limakl n‑yoonn mɔmɔk; ba pu? Yesu Kristo yaa nyan ubaa mpaan pu kan, u ga ŋa tinyoor ŋa ni pu la.

Tibɔkpiirkaan 3:2

Fiin man, ki toor nimi aabimbin, ki dii Uwumbɔr mbamɔm ki jer naah dii u pu dandana wee na; nimi aatuln aa gbiin Uwumbɔr aanimbil.