2 Timoti 4:3 - Uwumbɔr aagbaŋ

³ Ba pu? n‑yoonn choo, le binib aan ki pel mmɔkm mu ŋan na. Bitafal aan li bi mu ni. Bi ga li ban bimɔmɔkb bi ga tuk bi bisui aah gee tibɔr ti na la.

UWONBƆR A GBƆNPƆŊ LIKƆƆNL

³ Iyoo chaan le bininfob kaa ji na yin pelig ibamɔn a wɔɔmi. Amaa le ki nɔɔ bi sufu a bam, bi na li lagin ban wɔɔnn takpem ke bin pag bi tuli kaah saag ki ban bin gbir nan ni.

2 Timoti 4:3 ပူးပေါင်းရင်းမြစ်များ

1 Bibɔrb 18:22

Le Elaija bui ke, “Min baanja le gur Uwumbɔr aabɔnabtiib ponn ni ki fu, le liwaal Baal aawaadam ikui inaa ni piiŋmu beenin bi.

1 Bibɔrb 22:18

Le Ahab bui Jehosafat ke, “Maa ba puun bui si ke waa kee nabr tibɔnyaan tibaa tii mi ii? Uma yaan ye tibɔbir ŋmeen le n‑yoonn mɔmɔk.”

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

Nnyam 32:33

Le Uwumbɔr giin bui u ke, “Ni ye binib bi tun titunwanbir m chee na aayimbil le m ga ber maagbaŋ ni.

Aisaya 28:12

U tii ni mɔmɔk lifuur ni mmɔɔn, le ni yii kaa pel u chee.

Aisaya 30:10

Bi tuk Uwumbɔr aabɔnabr ke bi ŋmin. Bi len le ke, “Taa bui man timi mbimbin mu ŋan na aabɔr. Bui man timi taah ban ti ŋun pu na. Cha ti li joo timi aajoon.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 27:9

Taa ŋun tii bibɔnabr man, bee unii umɔk bui ke u ga ŋmaa len tiwan ni ga fe ŋa fen na tidaŋ ni, bee bitekpiib aawiin, bee binib bi joo inyɔk tun na. Bi mɔmɔk tuk nimi le ke ni taa kii tii Babiloŋ aabɔr.

Jeremia 29:8

Min Uwumbɔr u ye Israel yaab Aawumbɔr na sak nimi ke ni taa cha bibɔnabr bi bi ni ponn ni na li ŋmanni nimi, ki taa cha binib bi bui ke bi nyi fen aabɔr na ŋmann nimi. Taa pel man baadaŋ ti bi daŋni na.

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Tibɔnyaan ti Luk ŋmee ti na 20:19

Uwumbɔr aakaal aamɔmɔkb, ni Uwumbɔr aatotoorninkpiib nan bee ke Yesu di liyataŋakl ngbaan ŋaŋ bima la. Nima pu, le bi nan ban bi chuu u libuul ngbaan ni, ki mu san kinipaak ngbaan ijawaan.

Tibɔnyaan ti Luk ŋmee ti na 6:26

“Binib mɔmɔk yaa pak nimi kan, tibɔbir ga li bi ni pu. Kina le biyaajatiib nan pak biŋmaŋmannim bi nan ŋmanni ke bi ye Uwumbɔr aabɔnabtiib na.”

Jɔnn 8:45

M ma len ibamɔn la. Nima le cha naa pak maaliin.

Lituln 17:21

Atens aatiŋ aanib, ni bicham bi nan bi nima na, nan gee ke bi li kuun ni ki gbaa tɔb chee tibɔchann n‑yoonn mɔmɔk. Nima pu le bi ban bi ŋun Pɔɔl yaar mu.

1 Korenti 2:1

Nnaabitiib, nima pu na, maah nan dan nan tuk nimi Uwumbɔr aabɔr na, maa nan di mmɔmɔɔn ni binib aalan le tuk nimi.

1 Korenti 2:4

M nan joo Uwumbɔr aaliin tuk nimi, kaa nan joo mmɔmɔɔn ni binib aalan tuk nimi. M nan tuk nimi Uwumbɔr aaliin ki mɔk nimi Waafuur Nyaan aah kpa mpɔɔn pu na;

Galantiya 4:16

Dandana wee, maah sur nimi ki tuk nimi mbamɔn na, nima le cha m kpaln nimi aadin aa?

1 Timoti 1:10

ni binib bi gɔr kidagook na, ni bijab bi yii bipiib ki ban bijab na, ni binib bi chur biken tinaagbiir na, ni binib bi chuun mɔni inyamɔn na, ni binib bi puur Uwumbɔr yɔl yɔl na, ni binib bi ŋani tiwan ni kaa dii mmɔkm mu ŋan na. Nkaal ngbaan bi titunwanbir timina mɔmɔk pu la.

2 Timoti 1:13

Aa nan gaa Yesu Kristo ki kii le ki gee u; nima pu na, aa li joo maah tuk si tibɔnyaan ti na mbamɔm.

Juud 1:18

ke kookoo aayoonn ni, binib ga li bi ki ŋani bininyaam mbɔnyun, ki dii tiwan ni kaa ŋan na aakpeek, Uwumbɔr aah kaa gee pu na.