2 Timoti 2:26 - Uwumbɔr aagbaŋ

²⁶ ki ki kpaln binib, ki nyan ni kinimbɔŋ ki nan chuu bi ke bi li ŋani kaageehn na aaŋaal ni.

UWONBƆR A GBƆNPƆŊ LIKƆƆNL

²⁶ wee bi lam n jirin, wee bin ŋmar ki nya ulinlaril a peŋ kan wee u ta pen choo bi wee bi tun u bamin.

2 Timoti 2:26 ပူးပေါင်းရင်းမြစ်များ

Job Aagbaŋ 1:12

Le Uwumbɔr bui kinimbɔŋ ke, “Tɔ, m di waah kpa tiwan ni mɔmɔk na ŋa aaŋaal ni, aa mu taa di aaŋaal meeh Job ubaa.” Le kinimbɔŋ siir.

Job Aagbaŋ 2:6

Le Uwumbɔr bui u ke, “Tɔ, m di u ŋa aaŋaal ni, aa mu taa tee ku u.”

Ilahn 124:7

Ti ŋmar ke unyoon aah ŋmar nya ukpan aataŋ ni pu na la; baataŋ koo, le ti ŋmar.

Aisaya 28:13

Kina pu le Uwumbɔr ga mɔk nimi ŋibɔbil ngbaan mɔmɔk aatataa aah ye pu na. Le ni yaa yoor litaal limɔk na kan, ni ga gbeer. Ni ga kan iween, gaawɔb mam ga chuu nimi, aan bi di nimi ŋa kiyondiik ni.

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Aisaya 8:15

Pam ga gbeer; bi ga lir ki wɔi. Kitaŋ ngbaan ga chuu bi.”

Tibɔnyaan ti Luk ŋmee ti na 11:21

“Liwɔkl li kpa tijawan sakpen na yaa lik waadichal kan, ubaa aan bii waawan.

Tibɔnyaan ti Luk ŋmee ti na 15:17

Le u ŋa nlan le ki bui ke, ‘Nte aatutum mɔmɔk ji ki gur. Le nkon ban mu ku mi do chee na.

Tibɔnyaan ti Luk ŋmee ti na 5:10

ni Sebedee aajapɔtiib Jems ni Jɔnn bi nan ye Simonn aatutuŋeertiib na. Le Yesu bui Simonn, “Taa san ijawaan. Dandana ki joo cha, aa ga li ban binib tii Uwumbɔr la.”

Jɔnn 13:2

Le ni ŋeer bi ji kijook aajikaar. Le kinimbɔŋ dan nan koo Judas Iskariot u ye Simonn aajapɔɔn na aasui ni ke u kooh Yesu.

Jɔnn 13:27

Judas aah gaa bisaa ngbaan na, le kinimbɔŋ koo usui ni. Le Yesu bui u, “Saah ga ŋa pu na kan, ŋa mala.”

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Lituln 5:3

Le Piita baa u, “Ananias, ba ŋa aa cha kinimbɔŋ koo aasui ni, ki cha aa ban ke aa ŋmann Uwumbɔr Aafuur Nyaan, ki gur aabaa ŋimombil ngem?

1 Korenti 15:34

Finn ngeen pu man, ki tun lituln li ŋan na, ki taa ki tun titunwanbir. Ni ponn ni bibaa aa nyi Uwumbɔr. M len kina ke m jinn nimi inimɔɔn la.

2 Korenti 2:11

M di cha pinn u, ke kinimbɔŋ taa nyaŋ timi; ba pu? ti nyi kaah ban ki bii timi pu na.

Efesusi 5:14

Nima pu le ti gaa ilahn ke, “Si u dɔ geen na, finn aan ki fikr nkun ni, le Kristo ga li wiin aa pu.”

Kolosiya 1:13

Uma le nan nyan timi mbɔmbɔɔn aanaan ni, ki nabr timi di buen Ujapɔgeehn aanaan ni.

1 Timoti 1:20

Bi ponn ni binib bilee ye Haimeneus ni Aleksanda. Le m di bi ŋa kinimbɔŋ aaŋaal ni ke ki daa bitafal, aan bi bee ke naa ŋan bi ki sii Uwumbɔr.

1 Timoti 3:7

Ni ŋan ke Yesu aanib aaninkpel li ye unii u kpa kipak binib bi kaa dii Yesu aasan na chee, aan binib taa galn u ki cha u lir kinimbɔŋ aagaawɔb ni.