2 Timoti 2:20 - Uwumbɔr aagbaŋ

²⁰ Tɔ, ŋisambil aabɔŋ bi lidichasakpeln ni. Ŋibaa ye salmaa, ŋibaa ye tikur, ŋibaa mu ye busub yaan, ŋibaa mu ye tiyakr. Bi joo ŋibaa tun litukpaan, ki joo ŋibaa tun lituwaatiir.

UWONBƆR A GBƆNPƆŊ LIKƆƆNL

²⁰ Iniin takpen a poolin jɔɔ tiwann tan bi jɔɔ ŋaan tijiir a booli, naa ye salima nin tikur ninann a binba le bi ta naan ti, amaa tidaar nin tiyɔgir mu yaar be niin; bi jɔɔ tibam ki tun kuchiig daal le, le ki jɔɔ titɔ mu tun idaa biɛn a toon.

2 Timoti 2:20 ပူးပေါင်းရင်းမြစ်များ

Esra 1:6

Bimaantɔtiib nan ter bi ki tii bi tiwan pam; bi nan tii bi tikunabr aasambil, ni salmaa, ni tijikaar, ni tiwakor ti tui ŋitun na, ni tiwanbankaan niken, ni ipiin i bi ga ti di tii Uwumbɔr Aadichal ni na.

Esra 6:5

Ki kpee na, salmaa ni tikunabr aasambil ŋi Ubɔr Nebukadnesar nan yoor ni Uwumbɔr Aadichal ponn ni, Jerusalem ni, ki di buen Babiloŋ aatiŋ ni na, bi ki giin ŋi mɔmɔk ti siin ŋaah nan si nin chee Uwumbɔr Aadichal ngbaan ponn ni, Jerusalem ni na.”

Nnyam 27:3

Ni ŋa ŋisambil ŋi ni ga li joo nfatan ŋani ŋi ponn ni na; ni ki ŋa ŋichakpaa, ni ŋisambil, ni inanmoon, ki kpee mmii aasambil mu. Ni di tikumann aakur ŋmeen ŋa tiwan ngbaan mɔmɔk.

Inandalahn 4:2

Sionn aanachipɔm nan ye ti chee liwangol ke salmaa na la, le dandana ma kan, bi gur ŋani bi ke tiyakr aabuu na.

Daniel 5:2

Baah bi nyu ndaan na, le Belsasar nan bui ke bi ti yoor ni salmaa aayikur, ni tikunabr aayikur, ni ŋisambil ŋi ute Nebukadnesar nan yoor nyan Uwumbɔr Aadichal ni, Jerusalem aatiŋ ni na. Ubɔr nan cha bi yoor ni tiwan ngbaan mɔmɔk ke u ni waaninyuum, ni upuutiib, ni ubɔtiib nan di ni nyu ndaan la.

Jɔnn 8:49

Le u bui bi, “Maa kpa kinimbɔŋ. M nyuŋ Nte Uwumbɔr la. Le ni sii mi.

Rom Yaab 9:20

Njɔ, aa ye ŋma ki kpak Uwumbɔr? Tiwanaankaan aan baa unii u naan ni na, “Ba ŋa aa naan mi kina?”

1 Korenti 3:9

Ba pu? ti ni Uwumbɔr kpaan le ki tun lituln. Ni bi le ke Uwumbɔr aasaak na. Ni bi le ke Uwumbɔr aadiik na.

2 Korenti 4:7

Timi bi kaa kpa mpɔɔn na, Uwumbɔr di tibɔnyaan ti kpa mpɔɔn sakpen na ŋa tiŋaal ni, aan binib bee ke tibɔnyaan ngbaan aapɔɔn nyan Uwumbɔr chee, naa ye ti chee.

Efesusi 2:22

Naah kpaan u ni na, ni mu ye kidiik ngbaan aawan ponn ni nibaa, ki ŋa kidiik ki Uwumbɔr Aafuur Nyaan bi ki ponn ni na.

1 Timoti 3:15

m yaa yunn kan, aa ga bee mbimbin mu ŋan tii Uwumbɔr Aadichal ni aanib, bi ye Uwumbɔr u ye limɔfadaan na aanib na. Waabɔr ti ye mbamɔn na bi biŋaal ni la, le bi joo ti.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.