2 Timoti 2:2 - Uwumbɔr aagbaŋ

² Aa nan ŋun Uwumbɔr aabɔr m chee kinipaak aanimbil ni. Di tibɔr ngbaan ŋa bijab bi bi mbamɔm ki ga ŋmaa tuk biken na aaŋaal ni.

UWONBƆR A GBƆNPƆŊ LIKƆƆNL

² Ta tibɔr tan wee a gbir n pag kuninfogbaluŋ a numin nin, ki wɔɔn bininfob ban si nbamɔm wee ki mu ye ban li fir wɔɔn bi kpiɛtiibin.

2 Timoti 2:2 ပူးပေါင်းရင်းမြစ်များ

Esra 7:10

Esra nan di ubaa tii Uwumbɔr Aakaal aabaem la, le ki tun yaah len pu na, ki joo i, ni yaah len pu na mɔk Israel aanib.

Esra 7:25

“Le sin Esra, di nlan mu Uwumbɔr tii si na ban binib bi ga li lik ŋitun aabɔŋ na, ni bibɔjirb bi ga li joo Yufrates Aamɔɔl Aawilir aapepel aanib bi mɔmɔk bi Saawumbɔr aakaal ponn ni na. Aa mɔk unii umɔk aa nyi Nkaal ngbaan na.

Nehemia 7:2

M nan ban bijab bilee le ki di siin ke bi li ye Jerusalem aayidam; bima le nan ye nna aabo Hanani, ni Hanania u ye bikikiib aaninkpel na. Hanania nan ye unii u aa ga ŋmaa mak u pu na la, ki ye unii u san Uwumbɔr naah ti sɔ na.

Ilahn 101:6

M ga kii tii binib bi kii tii Uwumbɔr na ki cha bi li koo maabɔrchiln ni. Binib bi kaa kpa taani na ga li kpa nsan ki tun maatuln.

Ŋiyataŋak 13:17

Ntuun mu aa ti len ibamɔn na joo ni tibɔr la, le saah ga ŋmaa nyu binib bi pu baala na ma joo ni nsuudoon.

Jeremia 23:28

Ubɔnabr u daŋ tidaŋ na, u bui ke ni ye tidaŋ la, tɔ, ubɔnabr u m di maabɔr tuk u na, u moon ti mbamɔm. Imuul ni timoor aa kpaa.

Liifai Yaab 14:42

Le bi ki ban ŋifakuu yayan ki di saŋ ŋimana aabuul ni, ki pɔ ponn ni, ni mɔmɔk.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Nkahm 12:7

Maah len maatutunn Moses chee tibɔr pu na, ni bi nibaa; min le nyan u ke u li lik maanib Israel yaab mɔmɔk.

Matiu 13:52

Le u bui bi, “Unii u tuk binib Uwumbɔr aakaal na yaa dii mi kan, u naahn udichadaan u nyan ni waawankpal ponn ni tiwankpokr ni tiwapɔnn.”

Matiu 24:25

Li pel man, m puen tuk nimi la.

Tibɔnyaan ti Luk ŋmee ti na 12:42

Le Tidindaan bui u, “Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

1 Korenti 4:2

Bi yaa di tiwan ŋa unii aaŋaal ni kan, ni ŋan ke u ŋa ni mbamɔm.

2 Korenti 2:14

Tɔ, cha ti doon Uwumbɔr mbamɔm. N‑yoonn mɔmɔk u cha ti nyaŋni kinimbɔŋ, Kristo aapɔɔn pu, ki cha ti buen ni kookoo, ki tuk binib waabɔr ke bi bee u. Waabɔr mɔ ke tulalee aah nu mɔ pu na.

2 Korenti 3:5

Taa len ke ti ga ŋmaa ŋa nibaa tibaa aapɔɔn pu. Timi aapɔɔn nyan ni Uwumbɔr chee la.

Kolosiya 1:7

Timi aatutuŋeer Epafras u ti gee u na le nan tuk nimi Uwumbɔr aanimbaasaln pu. Uma Epafras le si timi aasisiiyaan ki tun Kristo aatuln mbamɔm ki ter nimi.

1 Timoti 1:12

M dooni Tidindaan Yesu Kristo u tii mi mpɔɔn ke m tun lituln ngbaan na la. U len ke m ye mbamɔndaan, ki lee mi ke m tun waatuln.

1 Timoti 1:18

Maabo Timoti, Uwumbɔr Aafuur Nyaan nan cha m len tibɔr aa pu, nima le cha m tuk si saah ga tun Uwumbɔr aatuln pu na. Cha Nfuur Nyaan aabɔr ngbaan tii si mpɔɔn ke aa yii kinimbɔŋ,

1 Timoti 4:14

Taa suln Uwumbɔr Aafuur Nyaan aapiin i bi aa ni na, i Uwumbɔr nan tii si buyoonn waabɔnabtiib nan len, aan Yesu aanib aaninkpiib di biŋaal paan aa pu na.

1 Timoti 4:6

Aa yaa teer Yesu aanib tibɔr timina kan, aa ye Yesu Kristo aatutunn bamɔnn la. Saah bae Yesu aabɔr ki dii nsanyaan pu na, nima le cha saabimbin bi mbamɔm.

1 Timoti 5:22

Unii yaa kaa yunn Uwumbɔr aasan ni kan, taa nyan u ke u tun Uwumbɔr aatuln. Taa cha biken aatunwanbir li ye saataani. Cha saabimbin li bi chain.

1 Timoti 6:12

Saah tii Yesu naadii pu na, ni ŋan ke aa pɔɔn aabaa ki yii lituln limɔk kaa ŋan na, ki li ŋub limɔfal li kaa kpa ndoon na mbamɔm. Uwumbɔr yin si ke aa nan kan limɔfal ngbaan, buyoonn aa nan tii seeraa nyaan binib pam aanimbil ni, ki tuk bi saah gaa Uwumbɔr ki kii pu na.

2 Timoti 3:10

Sin ma kan, aa dii maah mɔk si pu na, ki dii maabimbin aah bi pu na. Maah ban ke m li ŋani pu na, aa mu ban kina la. Aa nyi maah tii Yesu naadii pu na, ki nyi maah kpa limɔr, ni ngeehm, ni suklaa pu na.

2 Timoti 3:14

Sin ma kan, aa bae Uwumbɔr aabɔr, ki sil bee ke ti gbii la. Aa li beenin dii kina; ba pu? aa bee ke binib bi mɔk si na ye mbamɔndam la.

Hiibru Yaab 2:17

Ni ŋan ke u li naahn unaabitiib tiwan mɔmɔk ponn ni, aan ki li ye utotoorninkpel u san timi kinimbaak, ki tun Uwumbɔr aatuln mbamɔm, ki di ubaa toor kitork aan Uwumbɔr di cha pinn waanib baatunwanbir na.

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.