2 Timoti 2:14 - Uwumbɔr aagbaŋ

¹⁴ Aa li teer binib tibɔr timina, ki sur bi Tidindaan aanimbiin ni ke bi taa li kpak kinikpakpak ibɔliin aatataa pu; ba pu? naa kpa tinyoor, kaa ter binib ke bi dii mbamɔm.

UWONBƆR A GBƆNPƆŊ LIKƆƆNL

¹⁴ Li gbaa tiɛri bi tiwann nan biɛn na, kpaan bi Uwonbɔr buu, ke bin nyam tibɔyɔɔr a pagimin, taa jɔɔ nyɔɔri, amaa ni bii ban pelig nle.

2 Timoti 2:14 ပူးပေါင်းရင်းမြစ်များ

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 2:11

Litimbol libaa aa kee kpeln laawaa ŋi kaa ye nibaa na, le maanib ma di min Uwumbɔr u tii bi liyimbil na kpeln ŋiwaa ŋi kaan ŋmaa ŋa nibaa tii bi na.

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 23:36

Kina pu na, bi taa ki len ke, ‘Uwumbɔr aabɔr;’ naa ye kina kan, m ga cha maabɔr li ye tibɔr ti bir na le ki tii udaan. Binib ngbaan fenn fenn Baawumbɔr u bi, ki ye Uwumbɔr Mpɔɔnsakpiindaan na, aamɔboln la.

Jeremia 7:8

“Lik man, ni di naadii tii inyamɔn la.

Habakuk 2:18

Liwaal kpa ba aanyoor? Unibɔn le naan li, le li joo inyamɔn baanja tuk si. Unii u naan li na tii li naadii, le li mu aa tee ŋmaa len tibɔr.

Matiu 16:26

Unii yaa kan dulnyaa wee ni aawan mɔmɔk ki lann waamɔfal kan, ba aanyoor le u kan? Unii tee ga di ba ki daa waamɔfal?

Lituln 13:10

le ki bui u, “Sin u ye kinimbɔŋ aajapɔɔn na, aa ye litunyaan mɔmɔk aadin la, ki ŋmanni binib n‑yoonn mɔmɔk, ki kpa mbiin sakpen, ki ban aa bii Tidindaan aasan mu tok na.

Lituln 15:24

Ti ŋun ke bijab bibaa nyan ti ponn ni, ki dan ni chee, ki ti tuk nimi tibɔr ti muk nimi ki ŋa nimi ilandak na. Taa nan tuk bi ke bi tuk nimi kina.

Rom Yaab 14:1

Tɔ, unii u gaa Yesu ki kii, ki mu aa bee waasan mbamɔm na, ni gaa u man. Ni mu taa kpak u kinikpakpak waah joo beeni pu na pu.

Galantiya 1:7

ti kaa ye tibɔnyaan na. Binib bibaa bi, ki muk nimi, ki ban bi kpeln Kristo aabɔnyaan tee.

Efesusi 4:17

Ni taa li dii ke binib bi kaa nyi Uwumbɔr na aah dii pu na. Tidindaan aayimbil pu, le m len tibɔr timina. Baalandak mɔmɔk ye ilandak yɔli la.

1 Tesalonika 4:1

Tinaabitiib, ti nan mɔk nimi naah ga ŋa pu ki piir Uwumbɔr aasui na. Le ni ŋani kina. Ti gaŋni nimi, ki sur nimi Tidindaan Yesu aayimbil pu ke ni li moo ŋani kina.

2 Tesalonika 3:6

Tinaabitiib, ti tuk nimi Tidindaan Yesu Kristo aayimbil pu la, ninaabitiib bimɔk kaa ban ke bi tun lituln, kaa dii taah tuk nimi pu na, ni nya bi chee.

1 Timoti 1:4

ki taa ki joo ŋiyimbil ŋi bi Uwumbɔr Aagbaŋ ni na tiini itiin baah nan ŋani pu na. Nimina le cha binib baa mbaan. Naa ter bi ke bi gaa Yesu ki kii aan ki dii waasan mbamɔm.

1 Timoti 1:6

Binib bibaa bi, kaa ki dii kina. Bi yenn la, ki gbaa tɔb chee tibɔr ti ye fam na.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.

1 Timoti 5:21

M sur si Uwumbɔr ni Tidindaan Yesu Kristo ni waatuuntiib bi u nyan bi na aanimbiin ni la, aa li ŋani maah len pu na, ki li joo Yesu aanib mbamɔm, ki taa li kpa imaagann.

1 Timoti 6:13

Yesu Kristo nan tii seeraa nyaan Pontius Pailat aanimbiin ni. Le m sur si, uma Yesu ni Uwumbɔr u tii tiwan mɔmɔk limɔfal na aanimbiin ni

2 Timoti 1:6

Le Uwumbɔr nan tii si Waafuur Nyaan aapiin buyoonn m nan di ŋŋaal paan aa pu na; le m ban m teer si ke aa fikr ipiin ngbaan.

2 Timoti 2:16

Yii tibɔr ti ye fam na; ba pu? binib bi len kina na ga moo tun titunwanbir.

2 Timoti 2:23

Yii mbaan mu ye kijɔrk aabaan, kaa kpa ŋitaa na. Aa nyi ke nima le cha binib kpak kinikpakpak.

2 Timoti 4:1

Yesu Kristo ga gir ni ki nan ji nnaan, ki ji binifuub ni bitekpiib tibɔr; m sur si uma ni Uwumbɔr aanimbiin ni la,

Taitus 3:1

Teer bi ke bi li pak kitiŋ aayidam, ni binib bi kpa tininkpir na, ki kii baamɔi, ki gor ke bi tun litunyaan mɔmɔk,

Hiibru Yaab 13:9

Ni taa dii mmɔkm yayan aabɔŋ aabɔŋ ki yenn. Ni ŋan ke nisui doon Uwumbɔr aaterm pu, naa ye tijikaar pu. Binib bi kɔ tijikaar tibaa ki ji tiken na, naa ŋa bi tinyoor.

2 Piita 1:13

M mu dak ke ni ŋan ke m li teer nimi, ki fiin nimi aalandak, maah laa bi tiwon tee ni buyoonn na.

1 Samuel 12:21

Taa chuun dii ŋiwaa man, ŋi ye yɔli la. Ŋiwaa aan ŋmaa ter nimi, kaan ŋmaa gaa nimi lii mu, ba pu? ŋaa fu.