2 Tesalonika 3:8 - Uwumbɔr aagbaŋ

⁸ Ti nan pa taah jin tijikaar ti na mɔmɔk pu la, ki tun lituln linimaln nwiin pu ni kinyeek mɔk; ba pu? taa nan ban ni ji ti pu falaa.

UWONBƆR A GBƆNPƆŊ LIKƆƆNL

⁸ bee ki jin uba a jiir yɔli wee kaa yɔn ti bu. Amaa ti pɔɔn tiba le ki tun nween nin kunyiɛg, naah li ŋa man wee ti laa ye litugil ki sei ni ni uba.

2 Tesalonika 3:8 ပူးပေါင်းရင်းမြစ်များ

2 Bibɔrb 6:2

Tii timi nsan aan ti buen Jɔɔdann Aamɔɔl ni ki ti gaa idɔ, ki nan maa kpee timi aakookoo yaan pu.” Le Elaisa gar bi ke, “Li cha man.”

Nehemia 5:18

Iwiin mɔmɔk m nan kɔr unaaja ubaa, ni ipiih i ye ipiih na iloob, ni ikɔla i wiir na la, le iwiin kipiik mɔk kan see m tii bi ndapɔm. Maah nan nyi binib ngbaan aafalaa aah wiir pu na, maa nan gaal lipal li biyidam gaal na.

Ŋiyataŋak 31:27

N‑yoonn mɔmɔk u tun le ki tii waadichal aanib baah ban pu na.

Matiu 6:11

Tiin timi din aawiin aajikaar.

Lituln 18:3

Uja ngbaan ni upuu nan jab igban le ki gaal ŋiboo. Baatuln le nan bi na. Pɔɔl aatuln ni baatuln kpaa la. Nima pu le u nan ti bi bido. Le bi tun lituln ngbaan tɔb chee.

Lituln 20:34

M ni njɔtiib yaa nan ban tiwan ni na kan, min mbaa le nan tun lituln, le ki kan taah ban tiwan ni na. Nimi nibaa nyi kina.

1 Korenti 4:12

Ti tun lituln linimaln, ki joo timi aaŋaal imina le ki tun. Binib seei timi la, le ti bui bi ke, “Uwumbɔr ŋa tinyoor ŋa ni pu.” Bi ŋani timi falaa la, le ti ji limɔr.

1 Korenti 9:4

Maah tuk binib Uwumbɔr aabɔr na, maa ŋeer bi tii mi tijikaar ni tiwanyukaan aa?

2 Korenti 11:27

M tun Yesu Kristo aatuln linimaln, ki kani falaa, kaa geeni kinyeek. Nkon ni nnyunyuu mɔk nan joo mi. M nan lann tijikaar. Tiwoor nan joo mi. Maawanpeenkaan aa nan fuu tiwoor ngbaan.

2 Korenti 11:9

Buyoonn m nan bi ni chee ki lann maah ban pu na, maa muk nimi ke ni ter mi. Tinaabitiib bi nyan Masedonia aatiŋ ni na nan joo ni maah ban tiwan ni na mɔmɔk. Maah nan bi pu n‑yoonn ngbaan na, m ga li beenin bi kina la, kaan muk nimi ke ni ter mi.

Efesusi 4:28

Binaayukb taa ki su. Cha bi di biŋaal tun lituln li ŋan na linimaln, aan ki kan baah ban pu na, ki tii bigiim mu.

1 Tesalonika 2:9

Nnaabitiib, ni teer taah nan tun lituln linimaln pu na. Ti tuk nimi Uwumbɔr aabɔnyaan, ki tun lituln nwiin pu ni kinyeek mɔk, ke ti ji. Ba pu? taa nan ban ni ji ti pu falaa.

1 Tesalonika 4:11

Cha ninimbil li man ke ni li bi suuna, ki li tun nimi aatuln, ki di nimi aaŋaal tun lituln, ke taah nan tuk nimi pu na.

2 Tesalonika 3:12

Binib bi bi kina na, ti tuk bi, ki sur bi Tidindaan Yesu Kristo aayimbil pu, ke bi li bi suuna, ki tun lituln ki kan ki ji.