2 Tesalonika 3:16 - Uwumbɔr aagbaŋ

¹⁶ Tidindaan u tii timi nsuudoon na tii nimi nsuudoon n‑yoonn mɔmɔk, tiwan mɔmɔk ponn ni. Tidindaan li bi ni mɔmɔk chee.

UWONBƆR A GBƆNPƆŊ LIKƆƆNL

¹⁶ Uyudaan wan ye nposɔɔndaan baan tɔɔl n sei ni nposɔɔn isaŋ biɛn nin niwann biɛn nin. Uyudaan li be nin ni biɛn.

2 Tesalonika 3:16 ပူးပေါင်းရင်းမြစ်များ

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 72:3

Cha nwankam ni tiŋann li bi kitiŋ ngbaan pu;

Ilahn 72:7

Cha tiŋann li bi waayoonn, ki cha nwankam li bi ki yunn ke uŋmal aah ga yunn pu na.

Aisaya 26:12

Uwumbɔr, aa ga tii timi nwankam; tiwan nimɔk ti kani na ye saaŋann la.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Aisaya 54:10

Nibaakan ŋijoo ni ŋigongon ga wur lir, le maageehm mu m kpa tii si na aan doo; maah puu tipuur ke m ga tii si nsuudoon na, m ga li beenin joo ti.” Kina le Uwumbɔr u gee si na len.

Aisaya 66:12

Uwumbɔr ki len ke, “M ga joo ni nimi liwangol li kaan doo na; litimbol mɔmɔk aawangol ga li choo ni chee ke limɔɔl li kaa foor na la. Ni ga li naahn upii aah ŋaani waabo, ki joo u uŋaal ni, ni ngeehm pu na la.

Aisaya 8:10

Kpokl naah ga ŋa pu na man. Bi mu aan tee ŋman. Len naah gee pu na man. Ni mɔmɔk ye fam la; ba pu? Uwumbɔr bi ti chee.

Hagai 2:9

Maadichapɔln limina ga li ŋan jer likpokl na pel pel, nima chee le m ga tii maanib nwankam ni nsuudoon.” Uwumbɔr Mpɔɔnsakpiindaan le len kina.

Sekaria 6:13

Uma le ga maa li, ki ga kan ubɔr aapak, ki ka waabɔrjal pu ki joo waanib. Utotoor ga li si gbɔk waabɔrjal, le bi ga li kpaan tun lituln nsuudoon ni kimɔbaan ni.’

Nkahm 6:26

Uwumbɔr lik faar nimi, ki tii nimi nsuudoon.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Tibɔnyaan ti Luk ŋmee ti na 2:14

“Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Jɔnn 14:27

“M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Rom Yaab 1:7

Nima le m ŋmee kigbaŋ kee m tii nimi bimɔk bi Rom aatiŋ ni na. Uwumbɔr gee nimi ki yin nimi ke ni li ye waanib. Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Rom Yaab 15:33

Uwumbɔr u tii timi nsuudoon na li bi ni mɔmɔk chee. Amii.

Rom Yaab 16:20

Naan yunn, le Uwumbɔr u tii timi nsuudoon na, ga cha ni di nitaa taa kinimbɔŋ pu. Tidindaan Yesu Kristo ŋa tinyoor ŋa ni pu.

1 Korenti 14:33

Uwumbɔr aa ban kifuuk, u ban suuna la.

2 Korenti 13:11

Nnaabitiib, tibɔr ti gur na le ye ke m ban m chɔi nimi la. Toor nimi aabimbin man. Sɔŋ tɔb aasui man. Ni li kpa kimɔbaan ni nsuudoon man, le Uwumbɔr u gee timi ki tii timi nsuudoon na ga li bi ni chee.

Efesusi 6:23

Tite Uwumbɔr ni Tidindaan Yesu Kristo tii tinaabitiib nsuudoon, ki cha ni li gee tɔb ki gaa u ki kii mbamɔm.

1 Tesalonika 3:11

M mee Tite Uwumbɔr ni Tidindaan Yesu ke bi tii timi nsan aan ti dan ni chee.

1 Tesalonika 5:23

Uwumbɔr u tii timi nsuudoon na, ŋa nimi aabimbin mɔmɔk chain, ki li joo nimi aawiin, ni nisui, ni nimi aawon mbamɔm, ni taa li kpa taani ubaa bundaln Tidindaan Yesu Kristo ga gir ni na.

2 Tesalonika 3:18

Tidindaan Yesu Kristo ŋa tinyoor ŋa ni mɔmɔk pu.

2 Timoti 4:22

Tidindaan li bi saawiin chee. Uwumbɔr ŋa tinyoor ŋa ni pu.

Filemonn 1:25

Tidindaan Yesu Kristo aaŋann li bi nisui ni. [Amii.]

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Hiibru Yaab 7:2

Le Abraham nan nyan tiwan nimɔk u nan gaa na nibaabaa kipiik mɔk ponn ni, ki di tii Melkisedek. Melkisedek aatataa le ye ke “ubɔr u kpa mbimbinyaan na.” U nan ye Salem aatiŋ aabɔr la. Salem aatataa le ye ke “nsuudoon.”

Bibɔjirb 6:24

Gideonn nan maa kitork aabimbiln nima chee tii Uwumbɔr, ki yin li ke, “Uwumbɔr le ye Nsuudoon.” Li beenin si Ofra aatiŋ ki ye Abieser aataŋaal aatiŋ na ni.

Ruf Aagbaŋ 2:4

Puwɔb le Boas ubaa nan nyan Betlehem ki fuu ni, ki nan doon bidicheeb ngbaan. U nan doon bi ke, “Uwumbɔr bi ni chee.” Le bi kii u ke, “Uwumbɔr ŋa waanyoor ŋa aa pu.”

1 Samuel 17:37

Uwumbɔr gaa mi ichinn ni takɔ mam chee lii, u ga gaa mi Filistia aanii wee mu chee lii.” Le Sɔɔl bui u ke, “Ni ŋan. Li cha aan Uwumbɔr le bi aa chee.”

1 Samuel 20:13

U yaa sil dak ke u ku si kan, aan maa cha aa ŋun ki san ŋmar kan, Uwumbɔr faa ku mi. Uwumbɔr li bi aa chee ke waah nan bi nte chee pu na.