2 Tesalonika 3:11 - Uwumbɔr aagbaŋ

¹¹ Ti ŋun ke ni ponn ni bibaa san ligbanyakl, kaa tun lituln libaa, ki chuun koo biken aabɔr ni.

UWONBƆR A GBƆNPƆŊ LIKƆƆNL

¹¹ Ti gbir ke biba be ni sisiigin ki ye bigbanyagdam. Baa tun nin inunman ni; amaa le ki sin jɔɔ bi nɔɔi kɔɔn biba a bɔrin.

2 Tesalonika 3:11 ပူးပေါင်းရင်းမြစ်များ

Efesusi 4:28

Binaayukb taa ki su. Cha bi di biŋaal tun lituln li ŋan na linimaln, aan ki kan baah ban pu na, ki tii bigiim mu.

1 Tesalonika 4:11

Cha ninimbil li man ke ni li bi suuna, ki li tun nimi aatuln, ki di nimi aaŋaal tun lituln, ke taah nan tuk nimi pu na.

2 Tesalonika 3:6

Tinaabitiib, ti tuk nimi Tidindaan Yesu Kristo aayimbil pu la, ninaabitiib bimɔk kaa ban ke bi tun lituln, kaa dii taah tuk nimi pu na, ni nya bi chee.

1 Timoti 5:13

Ki ki kpee na, bi ga li san ligbanyakl, ki ga li chaa ŋidichal ŋidichal ni. Naa ye ke bi ga li san ligbanyakl baanja la, bi ga li ye bibɔtukb la, ki ga li koo binib aabɔr ni, ki ga len naah kaa ba ŋan bi len pu na.

1 Piita 4:15

Le ni ponn ni ubaa yaa jin falaa linikul pu, bee kinaayuk pu, bee baka baka pu, bee libɔbaln pu kan, nima aa ŋan.