2 Tesalonika 2:8 - Uwumbɔr aagbaŋ

⁸ N‑yoonn ngbaan le titunwanbirdaan ngbaan ga kpiir. N‑yoonn ngbaan le Tidindaan Yesu ga gir ni, ni mpɔɔn, ki pii libuln lii u pu, ki ku u, ki ŋa waapɔɔn mɔmɔk yɔli.

UWONBƆR A GBƆNPƆŊ LIKƆƆNL

⁸ Le limɔyiildaan nmɔn n nin kpiirin, wan wee Uyudaan Yisa na yin foor u mɔb a faam ki ku u, u dan daal nmɔn u na li bii limɔyiildaan nmɔn.

2 Tesalonika 2:8 ပူးပေါင်းရင်းမြစ်များ

2 Samuel 23:7

see aa di tikur aadɔ, bee kikpaatuŋ le meeh i; bi mɔmɔk ga wu mmii pel pel.

Job Aagbaŋ 4:9

Uwumbɔr aaŋuul ponn ni, u kuln bi ke kitaabuŋ na la.

Ilahn 18:15

Buyoonn Uwumbɔr aaŋuul fii, aan u kae waadim ki ŋuun ke uchinn na, nnyunsakpem aataab nan doon nkuun, le kitiŋ aah baa nin chee na chuu piir waan.

Aisaya 11:4

u ga di bigiim ni binib bi kaa kpa biteterb na aabamɔn tii bi. Waamɔliin le ga daa binib aatafal, le titunwanbirdam ga kpo.

Aisaya 30:28

U yaa chuun kan, libuln lolni u pu nsan ke nwam mu yoor tiwan mɔmɔk na la. Li ŋar ŋitimbol mɔmɔk ŋŋaan ki kuln ŋi, ŋaatunwanbir pu.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 7:26

Le paacham aabɔjil ga kal ki ji tibɔr, ki gaa waapɔɔn, ki kuln u kookoo.

Daniel 8:25

Waah kpa beebee aalan pu na, u ga di kina aalan nyaŋ tiwan nimɔk u ŋani na. U ga li kpa kigaak, ki ga ku bii binib pam kaan cha bi li nyi. U ga kpaan fii sil Uwumbɔr u ye bibɔrb mɔmɔk Aayidaan na pu, le waah ga nan doo pu na aan nyan ni unibɔn aapɔɔn ni.

Hosea 6:5

Kina pu le m di maah ga daa nitafal ki kuln nimi pu na tun ni maabɔnabr. Maah ban pu ni chee na aa duk kpala:

Matiu 13:19

Binib yaa ŋun Uwumbɔr aanaan aabɔr kaa bee taatataa kan, le kinimbɔŋ ga dan nan nyan tibɔr ti bi bisui ni na. Njikaabim mu lir nsan ponn ni na le na.

Matiu 13:38

Bukpaab ngbaan le ye dulnyaa wee. Ipui i ŋan na le ye Uwumbɔr aanaan ni aanib. Timoor ngbaan le ye kinimbɔŋ aanib.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Matiu 16:28

M tuk nimi mbamɔn la, binib bi si do na ponn ni bibaa aan kpo see bi puen kan min Unibɔn Aabo jin maanaan waahr.”

1 Korenti 1:28

U nyan bigiim, ki nyan binib bi ye fam binib aanimbil ni na, ki nyan binib bi kaa ye nibaa binib aanimbil ni na mu, aan ki ŋa binib bi kpa ipɔɔn na yɔli.

2 Tesalonika 2:3

Ni taa cha ubaa ŋmann nimi kina; buyoonn binib pam ga yii Uwumbɔr na le ga puen fuu ni, le Tidindaan aawiindaal nin fuu ni. Uja u yii Uwumbɔr aakaal mɔmɔk na, u mu ga puen nya mpaan pu. Uwumbɔr siin u ntafadaan la.

1 Timoti 6:14

ke aa tun Uwumbɔr aah tii si lituln li na mbamɔm, ki li bi chain, ki taa li kpa taani ubaa, ki nan saa Tidindaan Yesu Kristo aah ga gir ni buyoonn na.

2 Timoti 1:10

Dandana wee, ti kan waah ŋa timi tibulchinn pu na; ba pu? Yesu Kristo, u gaal timi lir na, dan dulnyaa wee ni ki nan kuln nkun, ki tii timi limɔfal li kaa kpa ndoon na. Waabɔnyaan tee le kpiir kina.

2 Timoti 4:1

Yesu Kristo ga gir ni ki nan ji nnaan, ki ji binifuub ni bitekpiib tibɔr; m sur si uma ni Uwumbɔr aanimbiin ni la,

2 Timoti 4:8

le Uwumbɔr len ke maabɔr ŋan, ki di tinyoor bil kiir mi paacham. Tidindaan u ji binib tibɔr mbamɔm na, le ga ti di tinyoor ngbaan tii mi bundaln u ga gir ni na. Naa ye mi baanja le u ga tii. U ga tii binib bimɔk gee u ki ban ke u ki gir ni na.

Taitus 2:13

Ti kpa limakl li tii timi mpopiin na. Ti kii bundaln ti ga nan kan li na. Taah kpa limakl li na le ye ke timi Aawumbɔr sakpiin, Yesu Kristo u gaal timi lir na, ga gir ni ki nan nyan waah nyuun pu na mpaan pu.

Hiibru Yaab 10:27

U ga kan ntafadaan mu kpa ijawaan na; ba pu? Uwumbɔr ga gee liŋuul pam, ki di waadim ŋa mmii mu ton sakpen na ponn ni.

1 Jɔnn 2:13

Ntetiib, ni nyi Yesu u nan bi n‑yoonn mɔmɔk na. Nima pu le m ŋmee tibɔr tee tii nimi. Binachipɔm, ni nyaŋ kinimbɔŋ ki kaa ŋan na. Nima pu le m ŋmee tibɔr tee tii nimi.

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.

1 Jɔnn 5:18

Ti nyi ke unii umɔk ye Uwumbɔr aabo na aa ki tun titunwanbir; ba pu? Uwumbɔr Aajapɔɔn kii u, le kinimbɔŋ aan ŋmaa ŋa u nibaa.

Tibɔkpiirkaan 1:16

Le u joo iŋmabi ilole uŋangii ni. Kijaak aajuk ki ka ŋipepel mɔmɔk ŋilee na mu bi umɔb ni. Unimbil wɔb wiin chain, ke nwiin aah wiin chain pu nwiin pu na.

Tibɔkpiirkaan 13:5

U nan kpa nsan ke u li kpa kipupuk ki sii Uwumbɔr, ki kpa nsan ke u li bi iŋmal imonko ilee ni ilee.

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.

Tibɔkpiirkaan 2:16

Nima pu na, kpeln nimi aabimbin man. Ni yaa kaa kpeln nimi aabimbin kan, m ga fuu ni mala, ki di kijaak aajuk ki bi mmɔb ni na jan binib ngbaan.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.