2 Tesalonika 2:4 - Uwumbɔr aagbaŋ

⁴ U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

UWONBƆR A GBƆNPƆŊ LIKƆƆNL

⁴ Waa yin chee sei iween yan wee bi jiɛn nni, le ki sin yuur uba paab ki jo iween nmɔn, le ki ta uba ki siin Uwonbɔr a binbebol ki ke u ye Uwonbɔr le.

2 Tesalonika 2:4 ပူးပေါင်းရင်းမြစ်များ

Aisaya 31:3

Ijipt aanib mu po ye binibɔm la, baa ye Uwumbɔr. Baataan mu aa ye lijinjiir aawan nibaa. Uwumbɔr yaa ban u tun waah ban pu na kan, litimbol li kpa mpɔɔn na ga bur, le litimbol li kaa pɔɔ aan li ter li na ga lir. Ŋimɔk ga kuln la.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Esekiel 28:6

“Tɔ, min, Aadindaan Uwumbɔr aah len pu na sɔ: Saah dak ke aa kpa nlan ke liwaal na,

Esekiel 28:9

Bi yaa nan dan ke bi ku si kan, aa ga li beenin len ke aa ye liwaal aa? Aa yaa nan sil binib bi ga ku si na aanimbiin ni kan, aa ga li ye unibɔn kaan li kpa liwaal aabimbin kpala.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 7:8

Maah nan si lik iyiin ngbaan na, le m kan n‑yiin waatiir mubaa tur nyan ni iyiin kipiik na ponn ni. Mu nan tur iyiin kipiik na ponn ni itaa lii. N‑yiin mue nan kpa unibɔn aanimbil, ni bumɔb bu puk kipupuk sakpen a.

Lituln 17:23

M chuun nimi aatiŋ ponn ni ki kan naah dooni ŋiwaa pu na, le ki kan bi nan ŋmee ŋŋmeen naah toor kitork nin chee na. Bi ŋmee ke, ‘Taah kaa nyi Uwumbɔr u na.’ Ni dooni Uwumbɔr, ki mu aa nyi u. Waabɔr le m ban m tuk nimi dandana wee.

1 Korenti 8:5

Ŋiwaa ni tiwan ni binib dooni ni na bi paacham ni taab, ki wiir.