2 Tesalonika 2:11 - Uwumbɔr aagbaŋ

¹¹ Baah yii Uwumbɔr aabɔr na, nima le u cha nnyamɔn aapak bi bisui ni, bi li pak nnyamɔn.

UWONBƆR A GBƆNPƆŊ LIKƆƆNL

¹¹ Ni ma bu le Uwonbɔr ta kuŋmaruŋ a pɔɔm ŋa bi sufu ni ke nin che bi li pag tibɔkar

2 Tesalonika 2:11 ပူးပေါင်းရင်းမြစ်များ

Mpiin 39:19

Le Josef aaninkpel ngbaan aaŋuul fii,

Ilahn 109:17

U nan gee timɔpur, kina pu na, cha bi puun timɔpur lii u pu. Waa nan gee ke u mee Uwumbɔr aanyoor ŋa ubaa pu, kina pu na, ubaa mu taa mee Uwumbɔr aanyoor ŋa u pu.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Aisaya 66:4

Kina pu na, m ga cha tibɔbir lir bi pu. Baah san tiwan ni ijawaan na le ga kan bi, ba pu? maah nan yin bi na, baa nan kii, kaa nan pel buyoonn m len bi chee na. Bi nan yii maamɔb ki tun titunwanbir.”

Jeremia 27:10

Bi ŋmanni nimi la, le kina ngbaan ga cha bi chur nimi buen dandar ki cha nimi aatiŋ. M ga jenn nyan nimi, le bi ku doo nimi.

Jeremia 4:10

Le m bui ke, “Ndindaan Uwumbɔr, aa ŋmann Jerusalem aanib kookoo a. Aa bui bi ke nsuudoon ga li bi, le kijaak aajuk ka bineen ni.”

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Esekiel 21:29

Naah kani tibɔkpiirkaan ti na aa gbii, le naah len ke tiwan ni ga ŋa na ye inyamɔn. Ni ye bibiindam ni titunwanbirdam la, le nimi aawiin mu ye nimi aakookoo aatafadaan aawiin na choo. Kijaak aajuk ga lir nisil pu.

Matiu 24:11

Le binib bi ŋmanni ke bi ye Uwumbɔr aabɔnabtiib na ga li wiir ki ŋmanni binib pam.

Matiu 24:5

Binib pam ga nan dan ki nan pur maayimbil ke bima le ye Kristo u ga gaa binib lii na, ki ŋmann binib pam.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

1 Tesalonika 2:3

Taah tuk nimi waabɔnyaan ngbaan na, tibɔr ngbaan aa ye nnyamɔn. Taa ŋmann nimi. Ti nan bi chain la.

1 Timoti 4:1

Tɔ, Uwumbɔr Aafuur Nyaan len mpaan pu, ke n‑yoonn mu choo na binib bibaa ga yii Yesu aabɔr, ki kii inyamɔn, ki dii bipɔnib bi ŋmanni bi na.

2 Timoti 4:4

Bi ga yii mbamɔn, ki li ban ke bi ŋun itiin.