2 Samuel 9:9 - Uwumbɔr aagbaŋ

⁹ Le ubɔr yin ni Sɔɔl aatutunn Siba ki nan bui u ke, “M ban m di saaninkpel Sɔɔl aawan nimɔk nan ye u ni waadichal yaan na tii uyaabil Mefibosef la.

2 Samuel 9:9 ပူးပေါင်းရင်းမြစ်များ

2 Samuel 16:3

Le ubɔr David baa u ke, “Sɔɔl aayaabil Mefibosef bi la chee?” Le Siba bui u ke, “U bi Jerusalem ni; ba pu? u kpa gaakii ke Israel yaab ga giin u nan kaan uyaaja Sɔɔl aanaan ni.”

2 Samuel 16:4

Le ubɔr David bui Siba ke, “Mefibosef aah kpa tiwan nimɔk na ŋa sin yaan la.” Le Siba kii ke, “M ye saatutunn la. Mpɔɔndaan, cha m li piir aasui n‑yoonn mɔmɔk.”

2 Samuel 19:29

Le ubɔr gar u ke, “Taa ki len tibaa. M ŋa nlandak ke aa ni Siba le ga yakr Sɔɔl aawangol.”

2 Samuel 19:30

Le Mefibosef bui u ke, “Mpɔɔndaan, cha Siba li joo li mɔmɔk. Saah ki gir ni, nibaa aa ŋa si na, nima ngbaan ŋeer a.”

Aisaya 32:8

Le unii u kpa kipak na tun lituln li ga joo ni u kipak na, ki si chob buyoonn u kan mbamɔn dɔ na.

1 Samuel 9:1

Uwankpadaan ubaa nan bi n‑yoonn ngbaan, bi nan yin u ke Kis, u ye Benjaminn aanibol aanii la. Ute le nan ye Abiel, le uyaaja ye Seror, ki ye Bekoraf aadiik ni aanii, ki ye Afia aataŋaal ponn ni aadichal.