2 Samuel 9:13 - Uwumbɔr aagbaŋ

¹³ Le Mefibosef u aataa mɔmɔk ŋilee nan kpoi na, nan koo Jerusalem ponn ni, le ki ji waajikaar mɔmɔk ubɔr chee.

2 Samuel 9:13 ပူးပေါင်းရင်းမြစ်များ

2 Samuel 19:27

U nan ti mɔln inyamɔn le paan mi, si Mpɔɔndaan chee. Tɔ, Mpɔɔndaan, aa naahn Uwumbɔr aatuun la, kina pu na, ŋa mi saah dak ke ni ŋeer mi pu na.

2 Samuel 4:4

Sɔɔl aayaabil ubaa le nan ye Jonatann aajapɔɔn Mefibosef. U nan laa ye ŋibin ŋiŋmu le bi ku Sɔɔl ni Jonatann. Baakun aabɔr aah nan nyan Jesreel aatiŋ ni ki fuu ni na, le waabiyoor bɔ yoor u ki di san; waah nan gee mala mala sakpen pu na, le ubo ngbaan nan ŋmar lir kitiŋ, le ki kpaln uwɔb.

2 Samuel 9:12

Mefibosef nan kpa japɔɔn waatiir ubaa, le bi yin u ke Maika. Siba aadichal ni aanib mɔmɔk nan kpaln Mefibosef aatutum la.

2 Samuel 9:3

Le ubɔr ngbaan baa u ke, “Sɔɔl aanii ubaa gur aa? M ban m mɔk u maapak ni maaŋann, maah nan puu Uwumbɔr ke m ga ŋa pu na.” Le Siba bui u ke, “Jonatann aajapɔɔn ubaa beenin bi. U ye uwɔb la.”

2 Samuel 9:7

Le David bui u ke, “Taa san ijawaan. Aate Jonatann pu, le m ga ŋa si tiŋann. M ga giin kitiŋ kimɔk nan ye aayaaja Sɔɔl aatiŋ na tii si, le n‑yoonn mɔmɔk aa ga ŋmaa dan nan ji m chee tijikaar.”

Jeremia 52:33

Kina pu na, Jehoyachinn nan kan nsan ki kpeln waayondiik ni aawanpeenkaan, ki gur ji ubɔr chee tijikaar le ki ti kpo.