2 Samuel 9:10 - Uwumbɔr aagbaŋ

¹⁰ Sin ni aajapɔtiib, ni saatutum ga li ko tii saaninkpel Sɔɔl aadichal, le Mefibosef ma ga li ye maachaan iwiin mɔmɔk.” Siba nan kpa japɔtiib kipiik ni biŋmu, ni bitutum moninko la.

2 Samuel 9:10 ပူးပေါင်းရင်းမြစ်များ

2 Samuel 16:3

Le ubɔr David baa u ke, “Sɔɔl aayaabil Mefibosef bi la chee?” Le Siba bui u ke, “U bi Jerusalem ni; ba pu? u kpa gaakii ke Israel yaab ga giin u nan kaan uyaaja Sɔɔl aanaan ni.”

2 Samuel 19:18

Bi nan puur limɔɔl ngbaan, ke bi ti di ubɔr ni waanib puur ni, ki ŋa ubɔr aah ban ke bi ŋa pu na mɔmɔk. Ubɔr aah nan bi gor ke u puur na, le Simei tar lir kitiŋ, unimbiin ni,

2 Samuel 19:28

Nte aadichal mɔmɔk ŋeer ke si Mpɔɔndaan ku ti mɔmɔk; aa mu nan tee tii mi nsan ke m li ji aa chee tijikaar. Maa ki kpa nsan mubaa ke m ki mee si Mpɔɔndaan chee tiŋann tibaa.”

2 Samuel 21:7

Tɔ, u ni Jonatann aah nan puu tɔb tipuukpaan ti na pu, David nan di cha Sɔɔl aayaabil Mefibosef, u aate nan ye Jonatann na.

2 Samuel 9:7

Le David bui u ke, “Taa san ijawaan. Aate Jonatann pu, le m ga ŋa si tiŋann. M ga giin kitiŋ kimɔk nan ye aayaaja Sɔɔl aatiŋ na tii si, le n‑yoonn mɔmɔk aa ga ŋmaa dan nan ji m chee tijikaar.”

1 Bibɔrb 2:7

“Aa tee ŋa Gilead aatiŋ aanii Basilai aabim tiŋann. Buyoonn m nan san aakpel Absalom pu na, bima le nan ter mi.

2 Bibɔrb 25:29

Kina pu na, Jehoyachinn nan kan nsan ki kpeln waayondiik ni aawanpeenkaan, ki gur ji ubɔr chee tijikaar le ki ti kpo.

Jeremia 52:34

Waah nan bi limɔfal ni n‑yoonn mumɔk na, bi nan luu u iwiin mɔmɔk aajikaar le ki ti saa waakundaal.

Tibɔnyaan ti Luk ŋmee ti na 14:15

Binib bi ji u chee tijikaar na ponn ni ubaa ŋun waah len pu na, le ki bui u, “Binib bi ga ji tijikaar Uwumbɔr aanaan ni na, waanyoor bi bi pu la.”