2 Samuel 9:1 - Uwumbɔr aagbaŋ

¹ Daalbaadaal le Ubɔr David nan baa ke, “Sɔɔl aanii ubaa gur aa? Ubaa yaa bi kan, m ga li gee ke m mɔk u maaŋann, Jonatann pu.”

2 Samuel 9:1 ပူးပေါင်းရင်းမြစ်များ

2 Samuel 1:26

Nna aabo Jonatann, m wii aa pu la; aa nan ye m chee unii pam. Saah nan gee mi pu na nan kpa iwaan, ngeehm ngbaan nan jer upii aageehm.

2 Samuel 21:7

Tɔ, u ni Jonatann aah nan puu tɔb tipuukpaan ti na pu, David nan di cha Sɔɔl aayaabil Mefibosef, u aate nan ye Jonatann na.

2 Samuel 9:7

Le David bui u ke, “Taa san ijawaan. Aate Jonatann pu, le m ga ŋa si tiŋann. M ga giin kitiŋ kimɔk nan ye aayaaja Sɔɔl aatiŋ na tii si, le n‑yoonn mɔmɔk aa ga ŋmaa dan nan ji m chee tijikaar.”

1 Bibɔrb 2:7

“Aa tee ŋa Gilead aatiŋ aanii Basilai aabim tiŋann. Buyoonn m nan san aakpel Absalom pu na, bima le nan ter mi.

Ŋiyataŋak 27:10

Taa suln aajɔtiib ni aate aajɔtiib bɔr. Aa yaa bi tibɔr ni kan, taa ban aate aabo chee nterm; aaŋeen aatɔ u koo gbɔk si na ga ŋmaa ter si ki jer aate aabo u bi dandar na aah ga ter si pu na.

Matiu 10:42

M tuk nimi mbamɔn la, unii umɔk tii maadidiir waatiir ubaa nnyunyunkoo baanja na kan, waah ye maadidiir pu na le cha u tii u, nima na, u ga kan tiyaapar.”

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Tibɔnyaan ti Mak ŋmee ti na 9:41

M tuk nimi mbamɔn la, unii yaa tii nimi nnyunyunkoo kan, naah ye maanib pu na le cha u tii nimi, u ga sil kan tiyaapar.”

1 Piita 3:8

Kookoo aabɔr le ye ke ni mɔmɔk li kpaan kimɔbaan, ki cha nitafal li bi tɔb ni, ki li gee tɔb ke naabitiib na, ki li san tɔb kinimbaak, ki sunn nibaa taab.

1 Samuel 20:42

Le Jonatann bui David ke, “Uwumbɔr li bi aa chee. Uwumbɔr ga cha m ni sin, ni timi aayaabitiib li joo tipuukpaan ti ti puu tii tɔb na.” Le David siir, le Jonatann mu gir buen kitiŋ ponn ni.