2 Samuel 8:14 - Uwumbɔr aagbaŋ

¹⁴ U nan kaan kaan bijab Edom aatim mɔmɔk ni, le Edom yaab kpaln waatutum. Uwumbɔr nan tii David linyaŋ nimɔk u buen na.

2 Samuel 8:14 ပူးပေါင်းရင်းမြစ်များ

Mpiin 25:23

Le Uwumbɔr nan bui u ke, “Ŋinibol ŋilee le bi aaponn ni; saah ga maa bijaam bi na ga li ye ŋinibol ŋilee aanib la, le ubaa ga li pɔɔ jer uken, upol le ga nan li tun tii uwaatiir.”

Mpiin 27:29

U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

2 Samuel 5:10

U nan moo pɔɔk n‑yoonn mɔmɔk la; ba pu? Uwumbɔr u yeh mpɔɔn mɔmɔk na nan bi u chee.

2 Samuel 7:9

Nin chee mɔk aa buen na, m dii si, le ki nyaŋ saadim mɔmɔk buyoonn aa cha bi chee na. M ga tii si liyimbil sakpeln, ke dulnyaa wee aayidam bi kpa mpɔɔn sakpen na.

2 Samuel 8:15

David nan joo Israel aanib mɔmɔk, le ki nan ŋani waanib mɔmɔk mbamɔm.

2 Samuel 8:6

le ki kaan kaan bijab baatim ni, le bi kpaln waatutum ki pa lampoo tii u. Uwumbɔr nan tii David linyaŋ, ni kookoo.

1 Bibɔrb 11:15

N‑yoonn mu aan David nan nyaŋ Edom aatiŋ na, waajab aaninkpel Joab nan buen nima u ti sub ŋinikpol. U ni waajab nan gaar Edom ni ki ti saa iŋmal iloob. N‑yoonn ngbaan, u ni waajab nan ku Edom aajab mɔmɔk

1 Bibɔrb 22:47

Edom aatiŋ aa nan kpa ubɔr; Juda yaab aabɔr le nan ban unii kaan nima le u joo ki.

1 Bibɔrb 22:48

Ubɔr Jehosafat nan ŋa iŋɔi i ga ŋmaa chuun nnyusakpem ni na, ke i li chaa Ofir aatiŋ ni ti joo ni salmaa; tɔ, i nan bee nnyun ni Esionn Geber aatiŋ chee, kaa chuun kpala.

2 Bibɔrb 14:7

Amasia nan ku Edom aajab ŋichur kipiik, N‑yaan Aafataŋ ni; u nan nyaŋ Sela aatiŋ butɔb ni, le ki yin ki ke Jokteel, liyimbil ngbaan le bi beenin joo yin ki.

2 Bibɔrb 18:7

Kina pu na, Uwumbɔr nan bi u chee, le u nan nyaŋni tiwan ni mɔmɔk u nan ŋa na ni. U nan nyan Asiria aatiŋ aabɔrkpaan aapuwɔb, ki yii kaa di ubaa tii u.

1 Bibɔrb Aabɔr 18:13

U nan kaan kaan butɔb aajab Edom aatim mɔmɔk ni, le Edom yaab kpaln Ubɔr David aatutum. Uwumbɔr nan tii David linyaŋ, ni kookoo.

Ilahn 60:1

Uwumbɔr, aa yii timi, le ki nyaŋ timi; aa nan gee liŋuul ti pu, dandana ma kan, gir gaa timi.