2 Samuel 8:1 - Uwumbɔr aagbaŋ

¹ Naah yunn siib na, le David ki buen ti tak Filistia yaab, ki nyaŋ bi, le ki gaa baatisakpeŋ bi chee.

2 Samuel 8:1 ပူးပေါင်းရင်းမြစ်များ

2 Samuel 19:9

Kitiŋ ngbaan mɔmɔk pu, bi nan bi jaa biŋmeen la. Bi nan bui tɔb ke, “Ubɔr David le gaa timi lii, timi aadim chee. U nan gaa timi Filistia yaab chee lii, le dandana wee u san cha kitiŋ kee, Absalom pu.

2 Samuel 2:24

Le Joab ni Abisai ma di paan Abner pu, le ki ti fuu Ama aagongon li bi Gia aawipuul wɔb, Gibeonn aateer pu aasan ni na chee kijook.

2 Samuel 22:44

Aa gaa mi lii, maanib bi yii maamɔb na chee ki cha m beenin ye ŋitimbol aayidaan; maah kaa nan nyi binib bi na le gur ye maatutum.

2 Samuel 5:17

Filistia yaab ŋun ke David jin Israel aanaan, le baajab gor bibaa ke bi ti tak ki chuu u. David aah ŋun tibɔr ngbaan na, le u buen ligongoln li bi kii li mbamɔm na paab.

2 Samuel 5:25

David nan ŋa Uwumbɔr aah bui u pu na, le ki ŋman ki jenn Filistia yaab aajab ki nyan Geba ki ti saa Geser.

2 Samuel 7:9

Nin chee mɔk aa buen na, m dii si, le ki nyaŋ saadim mɔmɔk buyoonn aa cha bi chee na. M ga tii si liyimbil sakpeln, ke dulnyaa wee aayidam bi kpa mpɔɔn sakpen na.

Ilahn 18:43

Aa gaa mi binib bi yii maamɔb na chee lii, ki ŋa mi ŋitimbol aayidaan, maah kaa nan nyi binib bi na le gur ye maatutum.

Ilahn 60:2

Aa cha kitiŋ jii, le ki cha ki gii ki taa nween; dandana ma kan, toor ki, ba pu? ki bi lir la.

Ilahn 60:8

Moab aatiŋ le ga li ye maasapeek. M ga di maanaatak di mee paan Edom pu, ki mɔk ke ki ye mbaa aatiŋ la. M nyaŋ Filistia aatiŋ le ki teen mpɔɔn pu.”

Hiibru Yaab 11:33

Baah nan gaa Uwumbɔr ki kii pu na, le bibaa nan nyaŋ ŋitimbol aajab, bibaa mu tun lituln li ŋan na, bibaa mu kan Uwumbɔr aah puu tipuur ti na, bibaa mu muib ichinn aamɔi, i taa ŋa bi nibaa.

Hiibru Yaab 11:34

Bibaa mu aah nan gaa Uwumbɔr ki kii pu na, mmii sakpiin aa nan ŋmaa ŋa bi nibaa. Bibaa mu aah nan gaa Uwumbɔr ki kii pu na, le bi nan nyan kijuk aakun ni. Bibaa mu nan ye bidaburb, le baah gaa Uwumbɔr ki kii pu na, bi nan kan mpɔɔn. Bibaa mu aah nan gaa Uwumbɔr ki kii pu na, le bi kan mpɔɔn bi ti to butɔb ki nyaŋ baadim.

1 Samuel 7:13

Kina le Uwumbɔr nan nyaŋ Filistia yaab, le kaa ki cha bi koo ni Israel yaab aatiŋ ponn ni n‑yoonn mumɔk Samuel nan bi limɔfal ponn ni na.