2 Samuel 7:23 - Uwumbɔr aagbaŋ

²³ Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

2 Samuel 7:23 ပူးပေါင်းရင်းမြစ်များ

2 Samuel 7:24

Aa di Israel yaab ŋa saanib n‑yoonn mɔmɔk, le sin Uwumbɔr ye Bidindaan.

1 Bibɔrb Aabɔr 17:21

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken.

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Ilahn 106:22

Bi suln waajinjiir aatun ŋi u nan tun nima chee na bɔr, ni iwaan aatun ŋi u nan tun Limɔɔkal Aanyusakpem chee na aabɔr.

Ilahn 111:9

U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Ilahn 145:6

Binib ga len saah tun ŋitukpaan ŋi na aabɔr, le m ga moon saah kpa mpɔɔn sakpiin mu na.

Ilahn 147:20

Waa tun kina tii ŋitimbol ŋiken; baa nyi waakaal. Pak Uwumbɔr man.

Ilahn 40:5

Tidindaan Uwumbɔr, aa ŋa tiwan pam tii timi; ubaa aa bi ke sin na. Aa dak ke aa ga ŋa iwaan aatun tii timi, maa nan ŋmaa len ŋi mɔmɔk pu, ŋaakahm wiir sakpen a.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Ilahn 65:5

Saah tii timi linyaŋ li na le ye ke aa keei timi aayim, le ki tun lijinjiir aawan ki gaal timi lir. Dulnyaa wee mɔmɔk ni aanib, ni binib bi bi nnyusakpem aapuwɔb na tii si naadii.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Nnyam 33:16

Aa yaa kaa dii timi buen kan, ni ga ŋa kinye aan unii bee ke aasui piin m ni saanib pu? Saah bi ti chee pu na le ga cha ti ni biken aabimbin taa li kpaa dulnyaa wee ni.”

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Nnyam 9:15

M yaa ba di maapɔɔn ki di iween daa aa ni saanib aatafal kan, kina ni mɔmɔk ba kuln a.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Jeremia 32:20

N‑yaayoonn na, aa nan tun lijinjiir ni iwaan aatun Ijipt aatiŋ ni, le ki beenin tun ŋi ki nan saa din; aa tun ŋi Israel aatimbol, ni ŋitimbol ŋiken ponn ni, le dandana unii mɔmɔk nyi si, ni kookoo.

Jeremia 32:21

Saajinjiir ni iwaan aatun le nan cha ijawaan chuu timi aadim, le aa di saapɔɔn nyan ni saanib Israel yaab, Ijipt aatiŋ ni.

Esekiel 20:9

Kina ngbaan aah ba ga nan joo ni maayimbibiil na, maa nan ŋa kina, ba pu? baah nan koo binib bi chee na aanimbil ni le m nan bui Israel yaab ngbaan ke m ga nyan bi Ijipt aatiŋ ni.

Nkahm 6:27

Uwumbɔr nan ki bui ke, “Bi yaa di maayimbil mee tinyoor biin Israel yaab pu kina kan, m ga ŋa tinyoor ŋa bi pu.”

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Ikaal 10:21

Ni li pak u. Uma le ye nimi Aawumbɔr, le ninimbil kan waah ŋa lijinjiir aawan nimɔk ki tii nimi na.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Ikaal 9:26

M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Josua 7:9

Kanaann yaab, ni binib bimɔk bi kitiŋ kee ponn ni na ga ŋun tibɔr ngbaan. Bi ga kpokl ki gob timi ki ku ti mɔmɔk. Aa ga ki ŋa kinye ki cha binib nyuŋ saayimbil?”

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,