2 Samuel 7:21 - Uwumbɔr aagbaŋ

²¹ Ni ye saageehn, ni saah ban pu na le aa ŋa kina; aa ŋa tiwan sakpen nee mɔmɔk ke aa mɔk mi la.

2 Samuel 7:21 ပူးပေါင်းရင်းမြစ်များ

1 Bibɔrb Aabɔr 17:19

Ni nan ye saageehn ni saah ban pu na le aa ŋa kina tii mi, le ki di maayoonn mu choo na aapɔɔn mɔk mi.

Ilahn 115:1

Uwumbɔr, sin baanja, sin baanja, kaa ye timi, le ti ga tii kipak; ba pu? aa kpa ngeehm n‑yoonn mɔmɔk, ki ŋani saah puu ke aa ga ŋa pu na.

Ilahn 138:2

Saageehm mu bi n‑yoonn mɔmɔk na, ni saah ŋani saah len pu na, le m fenn lik saadichal wɔb, ki gbaan kitiŋ ki pak saayimbil, ba pu? aa mɔk ke saayimbil ni saakaal le jer tiwan mɔmɔk.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Matiu 11:26

Nte, saageehn le na, nima le cha aa ŋa kina.

Matiu 24:35

Paacham ni taab ga jer. Maamɔbon ma aan jer.”

Tibɔnyaan ti Luk ŋmee ti na 1:72

U nan len ke u ga san tiyaajatiib kinimbaak, ki teer waah puu tipuur ti ye chain na bɔr.

Tibɔnyaan ti Luk ŋmee ti na 10:21

N‑yoonn ngbaan le Uwumbɔr Aafuur Nyaan cha Yesu kpa mpopiin pam, ki bui ke, “Nte Uwumbɔr u ye paacham ni taab Aadindaan na, aa bɔr tibɔr timina bilankpalb ni binimbiwolm, le ki di mɔk chapɔntiib, nima le m pak si. Nte, saageehn le na, nima le cha aa ŋa kina.

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

1 Korenti 1:1

Min Pɔɔl u Yesu Kristo yin mi ke m le ye waakpambal, Uwumbɔr aageehn pu na, m ni tina aabo Sosenes le ŋmee kigbaŋ kee

Efesusi 1:9

ki kpiir tibɔbɔrkaan ti u nan dak usui ni ke u ga ŋa ti na mɔk timi. Kristo pu le u kpiir ti. Waageehn le na.

Efesusi 3:11

N‑yaayoonn na le u nan len ke u ga ŋa kina Tidindaan Yesu Kristo pu.

Efesusi 4:32

Ni li ŋani tɔb tiŋann, ki li san tɔb kinimbaak, ki di cha pinn tɔb ke Uwumbɔr aah di cha pinn nimi, Kristo pu pu na.

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.