2 Samuel 7:2 - Uwumbɔr aagbaŋ

² Le ubɔr ngbaan nan bui Uwumbɔr aabɔnabr Natann ke, “Min le ka do lidichal li bi di santina maa li na ponn ni na, le Uwumbɔr Aakaal Aadakaa tee bi likekeln aabool ponn ni.”

2 Samuel 7:2 ပူးပေါင်းရင်းမြစ်များ

2 Samuel 11:11

Le Uria gar u ke, “Israel ni Juda aajab bi butɔb ni la, le Uwumbɔr Aakaal Aadakaa bi bi chee; le maaninkpel Joab ni saajab doo lipaal la. M ga ŋa kinye ki kun, ki ti ji ki nyu, ki koo doon mpuu chee? M puu sin ubɔr aayimbil pu, ke maan ŋa kina aawan kpala.”

2 Samuel 12:1

Uwumbɔr nan tun waabɔnabr Natann, Ubɔr David chee. Natann nan buen u chee le ki ti bui u ke, “Bijab bilee le nan kpaan bi kitiŋ kibaa ni, ubaa nan ye uwankpadaan, le uma nan ye ugiin.

2 Samuel 5:11

Taya aatiŋ aabɔr Hiram nan tun ni kitiirk aatun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

2 Samuel 6:17

Bi nan joo ni Dakaa ngbaan, le ki nan di siin David aah ŋa likekeln aabool li siin Dakaa ngbaan pu na ponn ni. Le u toor kitork ki bi see mmii ni na, ni kimɔbaan aatork tii Uwumbɔr.

2 Samuel 7:17

Natann nan bui David tibɔr timɔk Uwumbɔr kpiir mɔk u na.

1 Bibɔrb 1:22

U nan laa beenin bi len, le Natann fuu ni libɔrdichal ni.

1 Bibɔrb 1:8

Tɔ, utotoor Sadok, ni Jehoyada aajapɔɔn Benaya, ni Uwumbɔr aabɔnabr Natann, ni Simei, ni Rei, ni bijab bi kii David na aa nan sil Adonija aachaŋ ni.

1 Bibɔrb 4:5

Ŋipepel aaninkpiib aayidaan: Natann aajapɔɔn Asaria. Ubɔr aasusur: Natann aajapɔɔn Sabud u nan ye utotoor na.

1 Bibɔrb 8:17

Solomonn nan ki bui ke, “Nte David nan ŋa nlandak, ke u maa Uwumbɔr Aadichal li ponn ni bi ga li dooni Israel yaab Aadindaan Uwumbɔr na,

1 Bibɔrb Aabɔr 14:1

Taya aatiŋ Aabɔr Hiram nan tun ni kitiirk aatuun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

1 Bibɔrb Aabɔr 16:1

Bi nan di Uwumbɔr Aakaal Aadakaa ngbaan ti siin libool li ponn ni David nan ŋa siin na. Bi nan toor kitork ni kimɔbaan aatork tii Uwumbɔr.

1 Bibɔrb Aabɔr 22:7

David nan bui u ke, “Maabo, m nan ban ke m maa Uwumbɔr Aadichal ki di nyuŋ Ndindaan Uwumbɔr la,

1 Bibɔrb Aabɔr 29:29

Ubɔr David aanaan aah piin ki ti doo pu na aabɔr bi Uwumbɔr aabɔnabr bitaa bimina, Samuel, ni Natann, ni Gad aah nan ŋmee pu na ni.

2 Bibɔrb Aabɔr 1:4

Tɔ, Uwumbɔr Aakaal Aadakaa ma nan bi Jerusalem ponn ni, libool li ni Ubɔr David nan ti yoor ni Dakaa ngbaan Kiriaf Jearim ki nan di siin na ponn ni.

2 Bibɔrb Aabɔr 29:25

Ubɔr ngbaan nan dii isan i Uwumbɔr nan di tii waabɔnabtiib Gad ni Natann ke bi di tii Ubɔr David na. Gad le nan ye unii u joo Uwumbɔr aabɔr nabr tii ubɔr ngbaan na. Ubɔr Hesekia nan ban Liifai yaab siin Uwumbɔr Aadichal ni, le bi joo tibar ni ichayakrtuun,

2 Bibɔrb Aabɔr 9:29

Solomonn aatun aabɔr ti gur ki nyan waah piin pu na, ni waah ti doo pu na bi Uwumbɔr aabɔnabr Natann aagbaŋ ni, ni Ahija u nyan ni Silo na aah nan di Uwumbɔr aabɔr ti nabr na aagbaŋ ni, ni Uwumbɔr aabɔnabr Ido aabɔkpiirkaan aagbaŋ ni la. Uma Ido aagbaŋ ngbaan ponn ni le Israel yaab aabɔr Jeroboam mu aanaan aabɔr bi.

Ilahn 132:2

Uwumbɔr, teer tipuur ti u nan puu na tii si u ye Mpɔɔnsakpiindaan u Jakob mu nan dii na.

Ilahn 132:5

see m ti maa nin chee Uwumbɔr ga li koo na, uma Uwumbɔr Mpɔɔndaan u tiyaaja Jakob nan dii u na.”

Nnyam 40:21

U nan di dakaa ngbaan siin Libool ngbaan ponn ni, ki di likekeln ngbaan mu di leen kiir. Waah ŋa pu na, le u kiir Nkaal Aadakaa ngbaan ke Uwumbɔr aah nan bui u pu na.

Hagai 1:4

“Maanib, ba ŋa ni koo ŋidichal ŋi ŋan na ponn ni, aan maadichal ma ber ki dɔ?

Jɔnn 2:17

Le waadidiliib teer ke ni ŋmee Uwumbɔr Aagbaŋ ni ke, “Uwumbɔr, maah neen saadichal pu na bi ke mmii le aah wu mponn ni na.” Le bi bee ke ni ye Yesu aabɔr la.

Lituln 7:46

Uwumbɔr nan gee Ubɔr David. Le David nan ban ke u maa lidichal tii Uwumbɔr, u nan ye uyaaja Jakob Aawumbɔr na. David mu aa nan maa lidichal tii Uwumbɔr.