2 Samuel 7:18 - Uwumbɔr aagbaŋ

¹⁸ Le Ubɔr David buen Uwumbɔr Aabool ni, ki ti kal ki mee Uwumbɔr ke, “Ndindaan Uwumbɔr, maa ŋeer saah puen ŋa tiwan ni tii mi na, le maadichal mu aa ŋeer kina.

2 Samuel 7:18 ပူးပေါင်းရင်းမြစ်များ

Mpiin 32:10

Lik saah ŋa mi, saanaagbiija, tiŋann, ni saah kii mi ki joo mi pu na; maa ba ŋeer aa ŋa mi kina. Maah nyan ni nte do ki puur Jɔɔdann aamɔɔl na, m nan joo kijaangbeek baanja la, le dandana wee, sin pu, m kpa ŋiniker ŋilee, ni tiwakor ŋiker ŋilee ŋimina.

Mpiin 32:11

M mee si ke aa gaa mi nkpel Esɔ chee lii. M san ijawaan ke nibaakan u ni waanib choo bi nan ku ti mɔmɔk, hali ki ku bipiib ni mbim mu la.

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

2 Samuel 7:17

Natann nan bui David tibɔr timɔk Uwumbɔr kpiir mɔk u na.

1 Bibɔrb Aabɔr 17:16

Ubɔr David nan buen Uwumbɔr aanimbiin ni, igban Aabool ngbaan ni, ki ti kal ki mee ke, “Ndindaan Uwumbɔr, m ni maadichal aa ŋeer saah puen ŋa tiwan ni tii mi na,

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

Ilahn 8:4

unibɔn ye ba aan aa teer ubɔr? unibɔn aabo mu ye ba aan aatafal bi u ni?

Nnyam 3:11

Moses nan bui Uwumbɔr ke, “Maa ye nibaa, m ga ŋa kinye ki buen ubɔr chee ki ti nyan Israel yaab Ijipt aatiŋ ni?”

Aisaya 37:14

Ubɔrkpaan Hesekia nan gaa kigbaŋ ngbaan ituun ngbaan chee le ki karn ki, le ki buen Uwumbɔr Aadichal ni, ki ti di ki bil Uwumbɔr aanimbiin ni,

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

Bibɔjirb 6:15

Le Gideonn gar ke, “Ndindaan, m ga ŋa kinye aan ki gaa Israel yaab lii? Maataŋaal le ye bigiim, Manase aanibol ni, le ubaa aa lik waa mi, maadichal ni.”

Ruf Aagbaŋ 2:10

Ruf nan gbaan ki boon le uyigbeer ti mee kitiŋ, le ki bui Boas ke, “Ba ŋa aa cha aalaasaab bi m ni kina? Ba ŋa aa kpa tiŋann uwɔwɔnii chee kina?”

1 Samuel 15:17

Samuel nan bui u ke, “Hali saah nan lik seen aabaa pu na, aa ye Israel aanibol ngbaan aayidaan la. Uwumbɔr le di si ŋa Israel yaab aabɔr,

1 Samuel 18:18

David nan kii u ke, “M ni nte aadichal ye ŋma aan m ga li ye ubɔr aachool?”

1 Samuel 9:21

Le Sɔɔl gar u ke, “M ye Benjaminn aanibol ni aanii la, le linibol ngbaan mu le ye li par sakpen Israel aanibol mɔmɔk ponn ni na. Le maadichal mu le aa ki kpa liyimbil linibol ngbaan ponn ni. Kina pu na, ni ŋa kinye aan aa len m chee tibɔr tee aaboln?”