2 Samuel 7:16 - Uwumbɔr aagbaŋ

¹⁶ Aa ga li kpa yaabitiib n‑yoonn mɔmɔk, le m ga cha saanaan li bi n‑yoonn mɔmɔk. Saanib bi ga li ji nnaan na aan doo.’”

2 Samuel 7:16 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

2 Samuel 22:51

Uwumbɔr le tii mi, u ye ubɔr na, linyaŋ sakpeln ngbaan; waah lee mi na, u mɔk mi ngeehm n‑yoonn mɔmɔk la. U mɔk mi, David, ni n‑yaabitiib waageehm ki ti saa n‑yoonn mu kaa kpa ndoon na.

2 Samuel 7:13

Uma le ga nan maa lidichal tii mi, le m ga cha waanaanjirb aan doo.

2 Samuel 7:17

Natann nan bui David tibɔr timɔk Uwumbɔr kpiir mɔk u na.

1 Bibɔrb 2:4

Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

1 Bibɔrb 9:5

m ga li joo tipuur ti m nan puu tii aate David, ki bui ke uyaabitiib le ga li joo Israel aanib n‑yoonn mɔmɔk na.

2 Bibɔrb 19:34

M ga kiir kitiŋ kimina, ki biin ki pu, maapak, ni maah puu tipuur ti tii maatutunn Ubɔr David na pu.’”

2 Bibɔrb 8:19

Uwumbɔr mu aa nan tee ban ke u kuln Juda aatiŋ, ba pu? u nan puu tipuur tii waatutunn David ke uyaabitiib ga li ji nnaan n‑yoonn mɔmɔk.

2 Bibɔrb Aabɔr 6:16

Tɔ, Israel yaab Aadindaan Uwumbɔr, li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr ki joo bi.

Job Aagbaŋ 36:7

U kii binib bi aabimbin ŋan na; u tii bi nsan le bi joo binib ke bibɔrb na ki cha bi nyuŋni bi n‑yoonn mɔmɔk.

Ilahn 45:6

Nnaan mu Uwumbɔr di tii si na ga li bi ki ti saa n‑yoonn mu kaa kpa ndoon na. Aa joo saanib mbamɔm la;

Ilahn 72:5

Cha saanib li dooni si ni ti yunn ke nwiin aah ga yunn pu na. Cha bi li dooni si ni ti yunn ke uŋmal aah ga yunn pu na, ki ti saa n‑yoonn mu kaa kpa ndoon na.

Ilahn 89:4

‘Aayaabil ga li ye ubɔr n‑yoonn mɔmɔk; m ga cha bi li ye binaanjirb ki ti saa n‑yoonn mu kaa kpa ndoon na.’”

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 17:25

Baabɔrb ni mbɔrbim ga ŋmaa dii Jerusalem aabisamɔi ki li kpa nnaan aapɔɔn ke David aah nan kpa pu na. Juda ni Jerusalem aanib mɔmɔk ga koo itaan aatɔroku mam ni, ki diŋ itaan pu, le Jerusalem aatiŋ ga li gbii binib.

Jeremia 33:17

Min Uwumbɔr puu ke Ubɔr David aayaabitiib ga li bi n‑yoonn mɔmɔk ki ji Israel yaab aanaan.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Jɔnn 12:34

Le kinipaak ngbaan bui u, “Ti ŋun Uwumbɔr Aagbaŋ len ke Kristo u ga gaa timi lii na ga li bi n‑yoonn mɔmɔk. Aa ŋa kinye ki len ke bi ga yoor Unibɔn Aabo kitiŋ paacham? Ŋma ye Unibɔn Aabo ngbaan?”

Hiibru Yaab 1:8

Le u len Ujapɔɔn aabɔr ke, “Uwumbɔr, saanaan ga li bi ki ti saa n‑yoonn mu kaa kpa ndoon na. Aa joo saanaan ni aanib mbamɔm la.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.