2 Samuel 7:13 - Uwumbɔr aagbaŋ

¹³ Uma le ga nan maa lidichal tii mi, le m ga cha waanaanjirb aan doo.

2 Samuel 7:13 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

2 Samuel 22:51

Uwumbɔr le tii mi, u ye ubɔr na, linyaŋ sakpeln ngbaan; waah lee mi na, u mɔk mi ngeehm n‑yoonn mɔmɔk la. U mɔk mi, David, ni n‑yaabitiib waageehm ki ti saa n‑yoonn mu kaa kpa ndoon na.

2 Samuel 7:16

Aa ga li kpa yaabitiib n‑yoonn mɔmɔk, le m ga cha saanaan li bi n‑yoonn mɔmɔk. Saanib bi ga li ji nnaan na aan doo.’”

2 Samuel 7:27

Uwumbɔr u yeh mpɔɔn mɔmɔk na, Israel yaab Aawumbɔr, naah ŋa pu aan m kpa lipobil ke m mee si limeel limina na le ye ke sin le kpiir nimina mɔmɔk mɔk mi, saatutunn, le ki bui mi ke n‑yaabitiib ga li ye bibɔrb la.

1 Bibɔrb 2:24

Uwumbɔr nyal mi kaan nte David aabɔrjal pu; u joo waah puu tipuur ti na ki di nnaan ngbaan tii m ni n‑yaabitiib. M puu Uwumbɔr u bi n‑yoonn mɔmɔk na ke Adonija ga kpo din wee.”

1 Bibɔrb 2:4

Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

1 Bibɔrb 2:45

le ki ga tee ŋa waanyoor ŋa m pu, ki cha David aanaan nyal sil ki cha n‑yoonn mɔmɔk.”

1 Bibɔrb 5:5

Uwumbɔr nan puu tipuur tii nte David ke, ‘Aajapɔɔn u m ga ŋa u ubɔr saajal pu na, le ga maa Lidichal tii mi.’ Kina pu na, m ŋa nlandak ke m maa Lidichal tii Ndindaan Uwumbɔr.

1 Bibɔrb 6:12

“Aa yaa kii maamɔb ki joo maamɔkm kan, maah nan puu tipuur ti tii aate David na, m ga ŋa kina tii si.

1 Bibɔrb 8:13

Tɔ, m maa Saadichal li ŋan sakpen, ki wiir na tii si, nima le aa ga li koo n‑yoonn mɔmɔk.”

1 Bibɔrb 8:15

U nan bui ke, “Pak Israel yaab Aadindaan Uwumbɔr man. U joo tipuur ti u nan puu tii nte David ke,

1 Bibɔrb 8:19

aa mu aan ŋmaa maa li. Ni ye aajapɔɔn la, aabaa aajapɔɔn le ga maa Lidichal tii mi.’

2 Bibɔrb 21:4

U nan maa ŋiwaa aatork aabimbin Uwumbɔr Aadichal li ponn ni Uwumbɔr len ke bi ga li dooni u nima chee na.

2 Bibɔrb 21:7

U nan naan liwaapii Asera aanaŋ siin Uwumbɔr Aadichal li ponn ni Uwumbɔr nan bui David ni ujapɔɔn Solomonn ke: “Jerusalem ponn ni do chee na, Uwumbɔr Aadichal limina ponn ni, le ye nin chee m nyan Israel aanibol kipiik ni ŋilee aapepel mɔmɔk ni, ke binib li dooni mi na.

2 Bibɔrb 8:19

Uwumbɔr mu aa nan tee ban ke u kuln Juda aatiŋ, ba pu? u nan puu tipuur tii waatutunn David ke uyaabitiib ga li ji nnaan n‑yoonn mɔmɔk.

1 Bibɔrb Aabɔr 28:10

Aa li nyi ke Uwumbɔr lee sin le ke aa maa lidichal li bi chain na tii u. Tɔ, di lineen maa li.”

2 Bibɔrb Aabɔr 33:4

U nan maa ŋiwaa aatork aabimbin Uwumbɔr Aadichal li ponn ni Uwumbɔr len ke bi ga li dooni u nima chee n‑yoonn mɔmɔk na.

2 Bibɔrb Aabɔr 6:16

Tɔ, Israel yaab Aadindaan Uwumbɔr, li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr ki joo bi.

Job Aagbaŋ 36:7

U kii binib bi aabimbin ŋan na; u tii bi nsan le bi joo binib ke bibɔrb na ki cha bi nyuŋni bi n‑yoonn mɔmɔk.

Ilahn 72:17

Taa cha ubɔr aayimbil kuln; cha waayimbil yunn ke nwiin aah ga yunn pu na. Cha bi mee Uwumbɔr aan u ŋa tinyoor ŋa bi pu ke waah ŋa tinyoor ŋa ubɔr pu pu na.

Ilahn 89:21

Maapɔɔn ga li bi u chee n‑yoonn mɔmɔk, maapɔɔn le ga tii u mpɔɔn.

Ilahn 89:29

Uyaabitiib aan doo ke kitaapaak aah kaa door pu na; uyaabil ga li ye ubɔr n‑yoonn mɔmɔk.

Ilahn 89:4

‘Aayaabil ga li ye ubɔr n‑yoonn mɔmɔk; m ga cha bi li ye binaanjirb ki ti saa n‑yoonn mu kaa kpa ndoon na.’”

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 33:17

Min Uwumbɔr puu ke Ubɔr David aayaabitiib ga li bi n‑yoonn mɔmɔk ki ji Israel yaab aanaan.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Sekaria 6:12

Bui u ke Uwumbɔr Mpɔɔnsakpiindaan bui ke, ‘Uja u bi yin u ke Mbon na ga pɔr waah bi nin chee na, ki gir maa min Uwumbɔr Aadichal.

Sekaria 6:13

Uma le ga maa li, ki ga kan ubɔr aapak, ki ka waabɔrjal pu ki joo waanib. Utotoor ga li si gbɔk waabɔrjal, le bi ga li kpaan tun lituln nsuudoon ni kimɔbaan ni.’

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Hiibru Yaab 3:3

Unii u ye mmaal aayaaja na le kani nnyuŋ ki jer mmaal aanii ubaa. Kina le Uwumbɔr len ke Yesu ŋeer nnyuŋ ki jer Moses.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.