2 Samuel 6:2 - Uwumbɔr aagbaŋ

² ki di bi buen Juda aatiŋ ki bi yin ki ke Baala na ni, ke bi ti yoor ni Uwumbɔr Aakaal Aadakaa, u Uwumbɔr u yeh mpɔɔn mɔmɔk na aayimbil bi u pu, aan u bi tiwan ni kpa ifeen na aapaacham na.

2 Samuel 6:2 ပူးပေါင်းရင်းမြစ်များ

2 Samuel 22:11

U nan fii mala, tiwan ni kpa ifeen na pu, u nan chuun libuln pu la.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Aisaya 47:4

Israel yaab Aawumbɔr u bi chain na le gaal timi lir. Waayimbil le ye ke Uwumbɔr Mpɔɔnsakpiindaan.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Josua 15:60

Ntim mu nan ki bi na le nan ye Kiriaf Baal ki bi ki yin ki ke Kiriaf Jearim na, ni Raba aatim: mu nan ti saa ntim mulee la, le ki kpee itingbaan i bi gbɔk mu na.

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

1 Samuel 4:4

Le bi tun binib Silo aatiŋ ni, ke bi ti yoor ni Uwumbɔr Mpɔɔnsakpiindaan u bi tiwan ni kpa ifeen na aapaacham na Aakaal Aadakaa. Le Eli aajapɔtiib bilee na, Hofni ni Fineas, mu dii buen.

1 Samuel 6:21

Le bi tun binib Kiriaf Jearim aanib chee ke bi ti len ke, “Filistia yaab di Uwumbɔr Aakaal Aadakaa giin ni. Dan ki nan yoor u man.”

1 Samuel 7:1

Le Kiriaf Jearim aajab buen ti yoor Uwumbɔr Aakaal Aadakaa ki di buen uja ubaa u bi yin u ke Abinadab na aadichal, ligongoln paab, ki nan nyan ujapɔɔn u bi yin u ke Eleasar na ke u li lik dakaa ngbaan.