2 Samuel 5:9 - Uwumbɔr aagbaŋ

⁹ David nyaŋ baapɔɔn aatiŋ ngbaan, le ki koo ki ponn ni ki yin ki ke “David Aatiŋ.” U nan piin liwipuul wɔb, nin chee kitiŋ dɔ ligongoln ngbaan pu na, le ki maa mann goln kitiŋ ngbaan pu ki kpee.

2 Samuel 5:9 ပူးပေါင်းရင်းမြစ်များ

2 Samuel 5:7

David mu nan tee nyaŋ baapɔɔn aajool Sionn, le bi gur yin kitiŋ ngbaan ke “David Aatiŋ.”

2 Samuel 5:8

Liyaadaal ngbaan le David nan baa waajab ke, “Ubaa mu ki nan Jebus yaab ke mi na aa? Kinanansakpeŋ ki ga ku bi na aa? Kina kan, dii nnyunsan ngbaan man ki ti tak bijoom bi ye biwɔb ngbaan na.” Nima pu le bi len ke, “Bijoom ni biwɔb aan ŋmaa koo Uwumbɔr Aadichal ni.”

2 Samuel 6:10

Kina pu le u nan ŋa nlandak, kaa di u buen Jerusalem ponn ni; u nan di u paal buen uja u bi yin u ke Obed Edom, aan u ye Gaf aatiŋ aanii na do la.

1 Bibɔrb 11:27

Jeroboam aah nan nyan Solomonn aapuwɔb pu na aabɔr sɔ: Solomonn nan bi ŋeeb Jerusalem aawipuul wɔb aatiŋ, le ki toor kitiŋ ngbaan aagon.

1 Bibɔrb 2:10

David nan kpo, le bi di u sub uma David Aatiŋ ni.

1 Bibɔrb 9:15

Ubɔr Solomonn nan cha binaagbiib maa Uwumbɔr Aadichal, ni nnaan aadichal, ki cha bi ŋeeb kitiŋ ngbaan aawipuul wɔb aafataŋ, ki maa kitiŋ ngbaan aagoln. U nan ki cha bi gir maa Hasor, ni Megido, ni Geser aatim.

1 Bibɔrb 9:24

Solomonn aapuu u aate nan ye Ijipt aabɔr na nan nyan lipepel li bi yin li ke David Aatiŋ na ni, ki kun Solomonn aah maa lidichal li tii u na ni, nee aapuwɔb, le Solomonn maa ŋeeb kitiŋ ngbaan, liwipuul wɔb aapepel.

2 Bibɔrb 12:20

Ubɔr Joas aajab aaninkpiib nan kpokl u pu, le bi ponn ni bilee, Simeaf aajapɔɔn Josakar, ni Somer aajapɔɔn Jehosabad ti ku u lidichal li bi nan maa li kifataŋ aatiŋ ki bi Jerusalem aawipuul wɔb aan bi nan ŋeeb na ponn ni. Li nan bi nsan mu cha Sila aatiŋ ni na chee la. Bi nan sub Joas nnaan aacheek ni, David Aatiŋ ni la, le ujapɔɔn Amasia nab waanaan pu.

1 Bibɔrb Aabɔr 11:8

U nan piin liwipuul wɔb nin chee kitiŋ dɔ ligongoln ngbaan pu na, le ki gir maa maln goln kitiŋ ngbaan pu ki kpee. Le Joab mu gir maa kitiŋ ngbaan ni gur na.

2 Bibɔrb Aabɔr 32:5

Ubɔr Hesekia nan moo toor Jerusalem aagoln le ki maa tidifɔfɔŋ li paab, ki ki maa ligoln liken lima ngbaan aapuwɔb, ki moo tii kitiŋ ngbaan mpɔɔn. U nan ki ŋa tikpaatunn ni kijaak aapen mu pam.

Nehemia 3:15

Kolhose aajapɔɔn Salum, u ye Mispa Aapepel aaninkpel na, mu le nan ki gir maa mbisamɔb mu bi yin mu ke Nnyunbun Aabisamɔb na. U nan toor mbisamɔb ngbaan ki ŋa jaaleŋ, ni tikur ti bi ga li joo laŋni na. Waah ti fuu Sela Aabukpiik chee na, u nan maa ligoln li paa libɔrchiln aakpifar aasaak pu na, ki ti saa ŋibimbin ŋi sunn nyan ni David Aatiŋ ni na.

Ilahn 122:3

Jerusalem ye kitiŋ ki bi ki gir maa ki na la; ki ye kitiŋ ki ŋan ki kpa mpɔɔn na.

Aisaya 29:1

Uwumbɔr aatork aabimbiln, li ye Jerusalem na, kuln a. Kitisakpeŋ ki ubɔr David nan koo ki ponn ni na kuln a. Cha libiln libaa bee ŋilee jer, ŋi ni ŋaajim, ni mu aawanpɔɔn aajim,

Bibɔjirb 9:20

Ni mu yaa kaa ye kina kan, mmii nyan ni Abimelek ni, ki wu Sekem aatiŋ aajab, ni Bef Milo aatiŋ aajab. Mmii mu nyan ni Sekem aatiŋ aajab ni, ni Bef Milo aatiŋ aajab ni, ki wu Abimelek.”

Bibɔjirb 9:6

Nee aapuwɔb le Sekem ni Bef Milo aajab kuun tɔb ki buen likpaln aasusakpem bubaa taab, Sekem aatiŋ ni, ki ti kaan Abimelek nnaan.