2 Samuel 5:8 - Uwumbɔr aagbaŋ

⁸ Liyaadaal ngbaan le David nan baa waajab ke, “Ubaa mu ki nan Jebus yaab ke mi na aa? Kinanansakpeŋ ki ga ku bi na aa? Kina kan, dii nnyunsan ngbaan man ki ti tak bijoom bi ye biwɔb ngbaan na.” Nima pu le bi len ke, “Bijoom ni biwɔb aan ŋmaa koo Uwumbɔr Aadichal ni.”

2 Samuel 5:8 ပူးပေါင်းရင်းမြစ်များ

2 Samuel 5:7

David mu nan tee nyaŋ baapɔɔn aajool Sionn, le bi gur yin kitiŋ ngbaan ke “David Aatiŋ.”

2 Samuel 5:9

David nyaŋ baapɔɔn aatiŋ ngbaan, le ki koo ki ponn ni ki yin ki ke “David Aatiŋ.” U nan piin liwipuul wɔb, nin chee kitiŋ dɔ ligongoln ngbaan pu na, le ki maa mann goln kitiŋ ngbaan pu ki kpee.

1 Samuel 17:25

le ki bui tɔb ke, “Lik u man. Li pel man waamɔliin. Ubɔr Sɔɔl puu ke u ga tii uja u ku u na ipiin sakpen. Ubɔr ki len ke u ga di ubisal tii udaan ngbaan u di ŋa upuu, ki taa cha udaan aate aadichal li pa lampoo.”