2 Samuel 5:7 - Uwumbɔr aagbaŋ

⁷ David mu nan tee nyaŋ baapɔɔn aajool Sionn, le bi gur yin kitiŋ ngbaan ke “David Aatiŋ.”

2 Samuel 5:7 ပူးပေါင်းရင်းမြစ်များ

2 Samuel 5:8

Liyaadaal ngbaan le David nan baa waajab ke, “Ubaa mu ki nan Jebus yaab ke mi na aa? Kinanansakpeŋ ki ga ku bi na aa? Kina kan, dii nnyunsan ngbaan man ki ti tak bijoom bi ye biwɔb ngbaan na.” Nima pu le bi len ke, “Bijoom ni biwɔb aan ŋmaa koo Uwumbɔr Aadichal ni.”

2 Samuel 5:9

David nyaŋ baapɔɔn aatiŋ ngbaan, le ki koo ki ponn ni ki yin ki ke “David Aatiŋ.” U nan piin liwipuul wɔb, nin chee kitiŋ dɔ ligongoln ngbaan pu na, le ki maa mann goln kitiŋ ngbaan pu ki kpee.

2 Samuel 6:10

Kina pu le u nan ŋa nlandak, kaa di u buen Jerusalem ponn ni; u nan di u paal buen uja u bi yin u ke Obed Edom, aan u ye Gaf aatiŋ aanii na do la.

2 Samuel 6:12

Ubɔr David nan ŋun ke Nkaal Aadakaa ngbaan pu le Uwumbɔr ŋa tinyoor ŋa Obed Edom aadichal, ni waah kpa nimɔk na pu; le u buen ti yoor Nkaal Aadakaa ngbaan Obed Edom do, ke u di buen Jerusalem ponn ni, ki mɔɔni.

2 Samuel 6:16

Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni, ki kan Ubɔr David aah bi yukr ki waa liwaal tii Uwumbɔr pu na, le u lik seen u usui ni.

1 Bibɔrb 2:10

David nan kpo, le bi di u sub uma David Aatiŋ ni.

1 Bibɔrb 3:1

Solomonn nan yoor Ijipt aatiŋ aabɔr aabisal, le ki cha u ni ubɔr ngbaan ŋa limaantɔl. U nan yoor ni u, le ki nan cha u koo David Aatiŋ ni, le u ti nin maa waabɔrdichal, ni Uwumbɔr Aadichal, ni ligoln li mann goln Jerusalem na doo.

1 Bibɔrb 8:1

Ubɔr Solomonn nan yin Israel aanibol, ni itaŋaal aasalolm mɔmɔk, ke bi kuun ni Jerusalem aatiŋ ni, ki nan yoor Uwumbɔr Aakaal Aadakaa nya David aatiŋ Sionn ni, ki di buen Uwumbɔr Aadichal ni.

1 Bibɔrb 9:24

Solomonn aapuu u aate nan ye Ijipt aabɔr na nan nyan lipepel li bi yin li ke David Aatiŋ na ni, ki kun Solomonn aah maa lidichal li tii u na ni, nee aapuwɔb, le Solomonn maa ŋeeb kitiŋ ngbaan, liwipuul wɔb aapepel.

1 Bibɔrb Aabɔr 11:7

David aah nan ti koo mpɔɔn aatiŋ ngbaan ni na, le bi gur yin ki ke “David Aatiŋ.”

2 Bibɔrb Aabɔr 24:16

Bi nan sub u nnaan aacheek ni, David Aatiŋ ponn ni, ki mɔk waah nan tun lituln li tii Israel aanib, ni Uwumbɔr, ni Uwumbɔr Aadichal na pu.

2 Bibɔrb Aabɔr 5:2

Le Ubɔr Solomonn yin Israel aanibol ni itaŋaal aasalolm mɔmɔk ke bi kuun ni Jerusalem ni, ki nan yoor Uwumbɔr Aakaal Aadakaa nya David Aatiŋ Sionn ni, ki di buen Uwumbɔr Aadichal ni.

Nehemia 3:15

Kolhose aajapɔɔn Salum, u ye Mispa Aapepel aaninkpel na, mu le nan ki gir maa mbisamɔb mu bi yin mu ke Nnyunbun Aabisamɔb na. U nan toor mbisamɔb ngbaan ki ŋa jaaleŋ, ni tikur ti bi ga li joo laŋni na. Waah ti fuu Sela Aabukpiik chee na, u nan maa ligoln li paa libɔrchiln aakpifar aasaak pu na, ki ti saa ŋibimbin ŋi sunn nyan ni David Aatiŋ ni na.

Ilahn 132:13

Uwumbɔr lee Sionn la; u ban u di nima le ŋa udo;

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 48:12

Uwumbɔr aanib, chuun mann Sionn aatiŋ man, ki kahn kaadifɔfɔŋ ngbaan;

Ilahn 48:3

Uwumbɔr mɔk ke lifuur bi u chee, waatiŋ ki bi maa ŋigon kiir ki na ponn ni.

Ilahn 51:18

Uwumbɔr, san Sionn aanib kinimbaak ki ter bi, ki gir maa Jerusalem aagon.

Ilahn 87:2

U gee Jerusalem aatiŋ jer Israel aatim mɔmɔk.

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 59:20

Uwumbɔr bui waanib ke, “M ga dan Jerusalem ki nan sil nichaŋ ni, ki nan gaa nimi bi yii nimi aatunwanbir na lii,

Jeremia 21:13

Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Maika 4:2

le ŋaanib ga bui ke, “Cha ti jon Uwumbɔr aajool ki buen Israel yaab Aawumbɔr Aadichal ni; ba pu? u ga mɔk timi waah ban ti ŋa pu na, le ti ga chuun waah lee isan i na pu. Uwumbɔr aamɔkm nyan ni Jerusalem aatiŋ ni la; Sionn pu le u len ni waanib chee tibɔr.”

Rom Yaab 9:33

bi gbeer lifaakuul li Uwumbɔr Aagbaŋ len laabɔr na ke, “U di lifaakuul bil Sionn aatiŋ ni. Binib ga gbeer li ki lir. Le unii umɔk gaa u ki kii na aan ji inimɔɔn.”

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Tibɔkpiirkaan 14:1

Tɔ, le m kan Upihbo na si Sionn aajool paab. Binib ŋichur nkub ni imonko ilee ni ŋinaa nan bi u chee, le waayimbil ni Ute Uwumbɔr aayimbil nan ŋmee paa biyigbeer pu.