2 Samuel 5:6 - Uwumbɔr aagbaŋ

⁶ N‑yoonn mubaa le Ubɔr David ni waajab nan gor ke bi ti tak Jerusalem. Le Jebus yaab bi koo nima chee na nan dak ke David aan ŋmaa nyaŋ kitiŋ ngbaan, le ki bui ke, “Saan ŋmaa koo ni do kpala; hali bijoom ni biwɔb ga ŋmaa nyaŋ si.”

2 Samuel 5:6 ပူးပေါင်းရင်းမြစ်များ

Mpiin 14:18

Le Melkisedek u nan ye Salem aabɔr, ki ki ye Uwumbɔr u kaa kpa ŋeen aatɔ na aatotoor na, nan joo ni tijikaar, ni ŋisubil aadaan nan tii Abram,

2 Samuel 22:30

Sin le tii mi mpɔɔn ke m di tak maadim, ki tii mi mpɔɔn mu m joo nyaŋni tiwan ni kii bi na.

Ŋiyataŋak 21:22

Butɔb aajab aaninkpel u kpa nlan na ga ŋmaa nyaŋ kitiŋ ki binib bi pɔɔ na kiir ki na, ki tur kaagon ŋi bi maa mann goln ki, ki kpa limakl ŋi pu na lii kitiŋ.

Jeremia 21:13

Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Jeremia 37:10

Aa yaa nyaŋ Babiloŋ aajab ngbaan mɔmɔk, le bi kan titotonn na baanja gur dɔ baaboo ni kan, bijabaab ngbaan le ga ki fii ki see kitiŋ kee aan ki wu pel pel.”

Hiibru Yaab 7:1

Melkisedek ngbaan nan ye Salem aatiŋ aabɔr, ki nan ye Uwumbɔr u kaa kpa ŋeen aatɔ na aatotoor la. Abraham aah nan ku bibɔrb bi ye waadim na ki gir ni na, le Melkisedek tooh u nsan pu ki ti ŋa Uwumbɔr aanyoor ŋa u pu.

Josua 10:3

Kina pu le Adoni Sedek nan di ntuun tun Hebronn aatiŋ aabɔr u bi nan yin u ke Hoham na, ni Jamuf aatiŋ aabɔr u bi nan yin u ke Piram na, ni Lakis aatiŋ aabɔr u bi nan yin u ke Jafia na, ni Eglonn aatiŋ aabɔr u bi nan yin u ke Debir na chee, ki bui bi ke,

Josua 15:63

Juda aanib aa nan ŋmaa jenn nyan Jebus yaab bi nan bi Jerusalem aatiŋ ponn ni na. Jebus yaab laa beenin bi nima, Juda aanib chee.

Josua 18:28

ni Sela, ni Ha Elef, ni Jebus, bee Jerusalem, ni Gibea, ni Kiriaf Jearim aatim: ntim ngbaan mɔmɔk nan ti saa ntim kipiik ni munaa la, le ki kpee itingbaan i bi gbɔk mu na. Ntim mu Benjaminn aamaal nan gaa aan mu ye baatiŋ na le na.

Bibɔjirb 1:21

Tɔ, Benjaminn aanibol ma aa nan jenn nyan Jebus yaab bi nan koo Jerusalem ponn ni na, le Jebus yaab ngbaan, ni Benjaminn aanibol aanib beenin kpaan koo nima.

Bibɔjirb 1:8

Juda aajab nan tak Jerusalem aatiŋ le ki nyaŋ ki. Bi nan ku kaanib, le ki see ki mmii lii.