2 Samuel 5:3 - Uwumbɔr aagbaŋ

³ Kina pu le Israel yaab aayidam mɔmɔk dan Ubɔr David chee, Hebronn aatiŋ ni. U ni biyidam ngbaan nan ŋa kimɔbaan ki pɔɔ na, le bi di nkpan kpir uyil pu, ki kaan u Israel aatiŋ aanaan.

2 Samuel 5:3 ပူးပေါင်းရင်းမြစ်များ

2 Samuel 2:4

Le Juda aajab dan Hebronn aatiŋ ni, ki nan di nkpan kpir uyil pu, ki kaan u Juda aatiŋ aanaan. David aah ŋun ke Gilead aatiŋ ki bi yin ki ke Jabes na aanib le sub Sɔɔl na,

2 Samuel 2:7

Li kpa man lipobil ki li pɔɔ. Nimi aabɔr Sɔɔl kpo a, le Juda aanib di mi ŋa baabɔr.”

2 Samuel 3:21

Le Abner bui David ke, “Mpɔɔndaan, m ga buen ti gaa ni Israel yaab mɔmɔk nan tii si. Bi ga gaa si ŋa baabɔr, le aa ga kan saah nan ban pu n‑yoonn mu jer na, ki li joo kitiŋ ngbaan mɔmɔk.” David nan tii Abner limɔfal aasan ke ubaa taa ŋa u nibaa, le ki cha u buen.

1 Bibɔrb 1:34

Nima chee, Sadok, ni Natann di nkpan kpir uyil pu, ki kaan u Israel yaab aabɔr, le ki pii ukpiin ki teen mpɔɔn pu ke, ‘Ubɔr Solomonn li kpa limɔfafɔfɔŋ.’

2 Bibɔrb 11:17

Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

1 Bibɔrb Aabɔr 11:1

Le Israel aanibol mɔmɔk buen David chee Hebronn aatiŋ ni ki ti bui u ke, “Timi ni sin ye lipubaan ni aanib la.

1 Bibɔrb Aabɔr 11:3

Kina pu le Israel yaab aayidam mɔmɔk dan Ubɔr David chee Hebronn aatiŋ ni. U ni biyidam ngbaan nan ŋa kimɔbaan Uwumbɔr aanimbiin ni, le bi di nkpan kpir uyil pu, ki kaan u Israel aatiŋ aanaan, ke Uwumbɔr aah nan puu pu tii Samuel na.

1 Bibɔrb Aabɔr 28:4

Timi Israel yaab Aadindaan Uwumbɔr lee min ni n‑yaabitiib le ke ti li ye Israel aajojoob, ki ti saa n‑yoonn mu kaa kpa ndoon na. U nan lee Juda aanibol ke bi li ye bisalolm, le ki nyan nte aadichal Juda aanibol ni. Lidichal ngbaan mɔmɔk ni, ni nan ye waageehn le ke u lee mi ki di mi ŋa Israel yaab mɔmɔk aabɔr.

2 Bibɔrb Aabɔr 23:16

Utotoor Jehoyada nan cha Ubɔr Joas ni binib ngbaan nan kpee u pu, le bi puu tipuur ke bi ga li ye Uwumbɔr aanib la.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Josua 10:36

Nee aapuwɔb, le Josua ni waajab nan nyan Eglonn aatiŋ ni, ki di dii ŋigongon paab, ki buen Hebronn aatiŋ ni, le ki ti lir ki pu,

Bibɔjirb 11:11

Kina pu le Jefta nan gir dii Gilead aasalolm ngbaan, le binib ngbaan di u ŋa baajojoor, ni usaloln. Jefta nan tuk bi waalandak Mispa aatiŋ ni, Uwumbɔr aanimbiin ni la.

1 Samuel 11:15

Kina pu le bi mɔmɔk buen Gilgal. Nima chee, Uwumbɔr aanimbiin ni, le bi ti ki kaan Sɔɔl nnaan. Bi nan toor kimɔbaan aatork tii Uwumbɔr, le Sɔɔl ni Israel aanib mɔmɔk kpaan jin kitork ngbaan nima chee.

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 23:18

Bima bilee ngbaan nan ki puu kijɔtiik aapuur kpaan tii tɔb. David nan gaar Hores ni, le Jonatann gir kun.