2 Samuel 5:2 - Uwumbɔr aagbaŋ

² N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

2 Samuel 5:2 ပူးပေါင်းရင်းမြစ်များ

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

2 Samuel 6:21

David nan gar u ke, “M ba bi waa ki pak Uwumbɔr u yii aate ni waadichal, ki lee mi ke m li ye waanib Israel yaab aayidaan na la. Le m ga li moo waa ki pak Uwumbɔr,

2 Samuel 7:7

Maasachun mɔmɔk, Israel aanib ponn ni, maa kee bui biyidam bi m lee bi na ponn ni ubaa, ke ba ŋa baa di santina aadɔ maa lidichal tii mi.’

2 Samuel 7:8

“Kina pu na, bui maatutunn David ke min Uwumbɔr, u yeh mpɔɔn na, le bui u ke, ‘Aa nan ye upihdaan le ki lik ipiih timoor ni, le m lee si ki di ŋa Israel yaab aajojoor.

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

1 Bibɔrb Aabɔr 11:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni Israel aajab pu nsan butɔb ni, le Aadindaan Uwumbɔr nan puu ke sin le ga loln waanib pu nsan ki li ye baajojoor.”

2 Bibɔrb Aabɔr 1:10

Kina pu na, tii mi nlan mu m ga ŋmaa di joo bi na. Ni yaa kaa ye kina kan, m ga ŋa kinye aan ki joo saanisakpem bimina?”

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 55:4

M nan ŋa u ŋitimbol mɔmɔk aayidaan; le ki cha bi kan maapɔɔn aah bi pu na u pu.

Esekiel 34:23

M ga tii i upihkpaal ke maatutunn David na, aan uma baanja li ye yaapihkpaal, le u ga li joo i mbamɔm.

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Nkahm 27:17

ki ga ŋmaa joo bi, bi to butɔb na, nima kan, saanib aan li bi ke ipiih i chuun kaa kpa upihkpaal na.”

Matiu 2:6

‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

Jɔnn 10:11

“Min le ye upihdaanyaan na. Upihdaanyaan ga ŋmaa kpo waapiih pu.

Hiibru Yaab 2:10

Uwumbɔr u nan naan tiwan mɔmɔk ki joo ni mɔmɔk na, ni ŋeer u ke u cha Yesu ji falaa, ki li joo ni Uwumbɔr aabim bi wiir na waanaan ni. Uma le gaa bi lii. Waah ji falaa pu na, nima le cha u ye timi aaŋmaŋmardaan bamɔnn.

1 Samuel 13:14

Tɔ, n‑yoonn mue na, saanaan aan buen mɔb; ba pu? aa yii Uwumbɔr, le u ga ban uja u u gee na, ki di u ŋa waanib aajojoor.”

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 18:13

Kina pu le u nan jenn nyan David u chee, ki di u ŋa bijab lichur aaninkpel. Le David nan lolni waajab pu nsan butɔb ni,

1 Samuel 18:16

David aah nan moo kpae pu na, Israel ni Juda aanib mɔmɔk nan gee u la.

1 Samuel 18:5

Sɔɔl aah nan tun David lisachuln limɔk na, u nan kani linyaŋ li ponn ni la. Kina pu le Sɔɔl nan di u ŋa waajab aaninkpel ubaa. Nimina nan piir bijab ngbaan, ni baaninkpiib biken na mu aasui.

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.

1 Samuel 25:30

Maaninkpel, Uwumbɔr yaa ŋa tiwanyaan nimɔk u puu ke u ŋa tii si, ki ŋa si Israel yaab aabɔr na kan,

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”