2 Samuel 5:19 - Uwumbɔr aagbaŋ

¹⁹ Le David baa Uwumbɔr ke, “M buen ti tak Filistia yaab aa? Aa ga cha m nyaŋ bi ii?” Le Uwumbɔr kii u ke, “Een, buen ti tak bi. M ga cha aa nyaŋ bi.”

2 Samuel 5:19 ပူးပေါင်းရင်းမြစ်များ

2 Samuel 2:1

Nee aapuwɔb, le David baa Uwumbɔr ke, “M ga gir buen Juda aatiŋ kibaa ni ii?” Le Uwumbɔr kii u ke, “Een.” Le David ki baa u ke, “Kilatiŋ?” Le Uwumbɔr bui u ke, “Hebronn aatiŋ.”

2 Samuel 5:23

David nan ki gir baa Uwumbɔr, le u kii u ke, “Taa dii do ki ti tak bi, buen bipuwɔb ki ti gor ke aa tak bi lipepel ngbaan wɔb, tichacheer aasui na chee.

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Jemisi 4:15

Nimi aamɔfal aah bi kina na, nima le ni ŋan ke ni len ke, “Tidindaan yaa kii kan, ti ga li bi, ki ŋa kina, ki ki ŋa kina.”

1 Samuel 22:15

Een, m baa Uwumbɔr tii u. Nima le aa ye kina aabaan baanja mu m baa tii u na. Ki joo cha ni bukpokl ki ban si na ma kan, Mpɔɔndaan, taa galn mi, bee maadichal ponn ni ubaa. Maa nyi tibaa ki joo cha kina wɔb.”

1 Samuel 23:2

Kina pu le u baa Uwumbɔr ke, “M buen ti tak Filistia yaab aa?” Le Uwumbɔr bui u ke, “Een, ti tak bi, ki gaa Keila aatiŋ aanib lii.”

1 Samuel 23:4

Kina pu le David nan ki gir baa Uwumbɔr lelee, le Uwumbɔr bui u ke, “Buen ti tak Filistia aajab bi bi Keila ni na. M ga cha aa nyaŋ bi.”

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.