2 Samuel 5:11 - Uwumbɔr aagbaŋ

¹¹ Taya aatiŋ aabɔr Hiram nan tun ni kitiirk aatun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

2 Samuel 5:11 ပူးပေါင်းရင်းမြစ်များ

2 Samuel 5:12

Kina pu le David bee ke Uwumbɔr sil kaan u Israel aanaan, ki bi tii waanaan ngbaan liwangol sakpeln, waanib pu.

2 Samuel 7:1

Ubɔr David nan ka waabɔrchiln ni, le Uwumbɔr kii u, waadim aa ŋmaa ŋa u nibaa.

2 Samuel 7:2

Le ubɔr ngbaan nan bui Uwumbɔr aabɔnabr Natann ke, “Min le ka do lidichal li bi di santina maa li na ponn ni na, le Uwumbɔr Aakaal Aadakaa tee bi likekeln aabool ponn ni.”

1 Bibɔrb 5:15

Solomonn nan ki kpa bitutum ŋichur imonko inaa, le bi bi ŋijoo ni ki kpii ŋitakpal, le bitutum ŋichur imonko itaa ni kipiik bi tui ŋitakpal ngbaan,

1 Bibɔrb 5:18

Solomonn aatutum, ni Hiram aatutum, ni bitutum bi nan nyan ni Biblos aatiŋ ni na, le nan toor ŋitakpal ni idɔ i bi ga di maa Uwumbɔr Aadichal na.

1 Bibɔrb Aabɔr 14:1

Taya aatiŋ Aabɔr Hiram nan tun ni kitiirk aatuun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.

Ilahn 30:1

Uwumbɔr, m pak si, ba pu? aa gaa mi lii, kaa cha maadin aasui piir m pu.

Esekiel 26:2

“Unibɔn, Taya aatiŋ ni aanib aah laa mpɔɔn pu tibɔr ti pu na sɔ. Bi tar ke, ‘Jerusalem aatiŋ yaa a. Kaah nan kpa kinyanpuuk ki na doo a. Kina pu na, ti ga kan liwangol.’

Josua 19:29

Le kaanaanmɔk ki yoor ki fenn ki ti nyan Rama aatiŋ ni, ki di kina ti ker Taya aatiŋ ki bi maa ligoln mann gonn ki na, le ki fenn ti nyan Hosa aatiŋ ni, le ki ti doo Kaasisik ni Aanyusakpem mɔk. Kitiŋ ngbaan aatim le nan ki ye Mahalab, ni Aksib,