2 Samuel 4:4 - Uwumbɔr aagbaŋ

⁴ Sɔɔl aayaabil ubaa le nan ye Jonatann aajapɔɔn Mefibosef. U nan laa ye ŋibin ŋiŋmu le bi ku Sɔɔl ni Jonatann. Baakun aabɔr aah nan nyan Jesreel aatiŋ ni ki fuu ni na, le waabiyoor bɔ yoor u ki di san; waah nan gee mala mala sakpen pu na, le ubo ngbaan nan ŋmar lir kitiŋ, le ki kpaln uwɔb.

2 Samuel 4:4 ပူးပေါင်းရင်းမြစ်များ

2 Samuel 21:7

Tɔ, u ni Jonatann aah nan puu tɔb tipuukpaan ti na pu, David nan di cha Sɔɔl aayaabil Mefibosef, u aate nan ye Jonatann na.

2 Samuel 9:13

Le Mefibosef u aataa mɔmɔk ŋilee nan kpoi na, nan koo Jerusalem ponn ni, le ki ji waajikaar mɔmɔk ubɔr chee.

2 Samuel 9:3

Le ubɔr ngbaan baa u ke, “Sɔɔl aanii ubaa gur aa? M ban m mɔk u maapak ni maaŋann, maah nan puu Uwumbɔr ke m ga ŋa pu na.” Le Siba bui u ke, “Jonatann aajapɔɔn ubaa beenin bi. U ye uwɔb la.”

2 Samuel 9:6

Jonatann aajapɔɔn Mefibosef, u aayaaja nan ye Sɔɔl na, aah fuu ni na, u nan gbaan David aanimbiin ni ki pak u. Le David yin u ke, “Mefibosef.” Le u kii ke, “Maaninkpel, m sɔ.”

1 Bibɔrb 11:17

ki ti di cha Hadad ni ute aatutum bibaa baanja la. Bitutum ngbaan nan ye Edom aatiŋ aanib la, le bi ni Hadad nan san ŋmar ki ti koo Ijipt aatiŋ ni. N‑yoonn ngbaan Hadad nan laa ye ubo la.

1 Bibɔrb Aabɔr 8:34

Jonatann le nan ma Meribaal, le Meribaal mu ma Maika.

1 Bibɔrb Aabɔr 9:40

Jonatann le nan ma Meribaal, le Meribaal mu ma Maika.

1 Samuel 29:1

Filistia aajab mɔmɔk nan kuun ki kpaan Afek ni la, le Israel yaab mu kuun uyayak aanyunbun mu bi Jesreel Aafataŋ ni na chee.

1 Samuel 29:11

Kina pu le David ni waajab nan fii mala kichakpiik ni, ki gir cha Filistia yaab aatiŋ ni, le Filistia yaab buen Jesreel butɔb.