2 Samuel 4:2 - Uwumbɔr aagbaŋ

² Isbosef aajab bi looni ntim na aaninkpiib bilee bibaa nan bi. Bi nan yin ubaa ke Baana, ki yin uken na ke Rekab. Bite le nan ye Rimonn, u ye Benjaminn aanibol ni aanii, ki nyan ni Beerof aatiŋ ni na la. Beerof nan ye Benjaminn aamaal aatiŋ kibaa la.

2 Samuel 4:2 ပူးပေါင်းရင်းမြစ်များ

2 Samuel 3:22

Puwɔb le Joab ni David aajab bi nan buen ti loon binib bibaa na, nan gir ni, ki joo ni baah jan ki gaa tiwan ni na, le ni wiir pam. N‑yoonn ngbaan na, Abner aa nan ki bi Hebronn aatiŋ ni David chee; ba pu? David nan tii u limɔfal aasan ke ubaa taa ŋa u nibaa, le u buen.

2 Samuel 4:5

Rekab ni Baana nan fii buen Isbosef do, le ki ti fuu nima buyoonn u dɔ fuur nwiin pu na.

2 Samuel 4:9

Le David kii bi ke, “M puu Uwumbɔr u bi n‑yoonn mɔmɔk ki nyan mi maabɔr mɔmɔk ni na pu.

2 Bibɔrb 5:2

Baah nan looni Israel aatiŋ pu na mubaa ni, le Siria yaab nan chuu Israel aapiibo ubaa, le u ti kpaln Naamann aapuu aanaagbiipiibo.

2 Bibɔrb 6:23

Le Israel yaab aabɔr nan ŋa njim kpaan ki tii bi; baah jin ki nyun doo na, le u giin bi ti tii Siria aatiŋ aabɔr. Ki nyan liyaadaal ngbaan ki joo cha Siria yaab nan di cha, kaa ki looni Israel yaab.

Josua 18:25

Ntim mu nan ki kpee na le ye Gibeonn, ni Rama, ni Beerof,

Josua 18:26

ni Mispa, ni Kefira, ni Mosa,

Josua 9:17

Nima pu le Israel yaab nan fii ki cha binib ngbaan aatiŋ ni, le iwiin itaa daal bi fuu binib ngbaan aah bi nin chee na. Bi yin baatim ngbaan ke Gibeonn, ni Kefira, ni Beerof, ni Kiriaf Jearim.