2 Samuel 4:11 - Uwumbɔr aagbaŋ

¹¹ Ni ga li bi kinye ki tii nimi titunwanbirdam bi tee ku uja u dɔ geen udo, kaa ŋa nibaa na. M ga di nimi di teen naah ku u pu na, ki doo nimi kitiŋ kee pu.”

2 Samuel 4:11 ပူးပေါင်းရင်းမြစ်များ

Mpiin 4:11

M ga daa aatafal. Saan ki ŋmaa ko kitiŋ. Saah ku aanaal na, waasin bii kitiŋ tii si a.

Mpiin 6:13

Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni.

Mpiin 7:23

Uwumbɔr nan bii dulnyaa wee kina la, le ki daa binib aatafal, le ki ku binib mɔmɔk, ni tiwan nimɔk fu na. Nowa ni waamaal, ni tiwakor, ni ipeel, ni inyoon ni mɔmɔk nan koo buŋɔb ponn ni na le nan ŋmar.

2 Samuel 16:8

Aa nan gaa Sɔɔl aanaan, le dandana Uwumbɔr bi dar aatafal, saah ku Sɔɔl aanib sakpen pu na pu. Uwumbɔr di nnaan ngbaan tii aajapɔɔn Absalom, le saamɔfal kuln, sin unikur wee.”

2 Samuel 3:27

Abner aah fuu ni Hebronn aatiŋ ni na, le Joab di u nyan n‑gbaan, kitiŋ ngbaan aabisamɔb chee, ke waah ban u loon u chee tibɔr le na, le ki saa gbir upuul nima chee. Abner aah nan ku Joab aanaal Asahel pu na, le Joab mu ku u.

2 Samuel 3:39

Hali min le ye unii u Uwumbɔr lee mi ŋa ubɔr na, din wee ma kan, nwon yɔl la. Seruya aajapɔtiib bee, Joab ni Abisai, bir sakpen ki tii mi. Uwumbɔr daa bitafal baah ŋeer pu na.”

1 Bibɔrb 2:32

Uwumbɔr ga daa Joab aatafal, waah nan ku binib bi nte David aa nyi ti ponn ni na pu. Joab nan ku binib bilee bi kaa nan tun taani ubaa ki soor u na: u nan ku Israel aajab aaninkpel Abner, ni Juda aajab aaninkpel Amasa.

Ilahn 109:15

Cha Uwumbɔr li teer baatunwanbir bɔr n‑yoonn mɔmɔk, ki tee cha ubaa taa ki teer bima bɔr kpala.

Ilahn 9:12

Uwumbɔr teer binib bi ji falaa na pu; waa suln baawiil bɔr, le ki dar binib bi tun bi taani na aatafal.

Nnyam 21:12

“Unii yaa faa uŋeen aatɔ ki ku u kan, bi ku u mu.

Nnyam 9:15

M yaa ba di maapɔɔn ki di iween daa aa ni saanib aatafal kan, kina ni mɔmɔk ba kuln a.

Ŋiyataŋak 2:22

le Uwumbɔr ga chuu nyan bibiindam ni titunwanbirdam kitiŋ ngbaan pu, ke baah ŋɔi tisufabir lir pu na la.

Ŋiyataŋak 25:26

Uninyaan yaa ti kii utunwanbirdaan aamɔb kan, ni naahn baah di nnyɔk ŋa liboln aanyun ni, bee nnyunbun mu kpa tijɔŋ na la.

Jeremia 10:11

Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Habakuk 1:4

Nkaal aa kpa mpɔɔn, le ki bee fam, kina pu na, ibamɔn aa bi. Titunwanbirdam nyaŋ binib bi aabimbin ŋan na, le ki laŋ ibamɔn pu.

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.