2 Samuel 3:9 - Uwumbɔr aagbaŋ

^9-10 Uwumbɔr nan puu tii David ke u ga gaa nnaan ngbaan, Sɔɔl ni uyaabitiib chee, le ki ŋa David, Israel ni Juda aatim mɔmɔk aabɔr. M yaa kaa cha nimina ŋa kina kan, Uwumbɔr faa ku mi.”

2 Samuel 3:9 ပူးပေါင်းရင်းမြစ်များ

2 Samuel 19:13

David nan ki bui bi ke bi ti bui Amasa ke, “Aa ye ndo yoo la. Ki nya din wee ki joo cha, m ga di sin le ŋa maajab aaninkpel, Joab aabuul ni. M yaa kaa ŋa kina kan, Uwumbɔr faa ku mi.”

2 Samuel 19:14

David aaliin yee nan cha u kan Juda aajab mɔmɔk aapak, le bi di lilambil tii u, ke u ni waajab mɔmɔk gir ni.

2 Samuel 3:35

Nwiin ngbaan daal, binib ngbaan nan pɔɔn bibaa ke bi cha David ji tijikaar, le u yii, ki puu tipuur ke, “M yaa ji nibaa din wee waahr aan nwiin mue nin lir kan, Uwumbɔr faa ku mi.”

1 Bibɔrb 19:2

Jesebel nan di inaŋ tun Elaija chee ke: “Fen kinakokoona, m yaa kaa fe ŋa si ke saah ŋa biwaadam ngbaan pu na kan, ŋiwaa faa ku mi.”

1 Bibɔrb 2:23

Le Solomonn puu tipuukpaan Uwumbɔr aayimbil pu ke, “M yaa kaa cha Adonija lann waamɔfal tibɔr tee pu kan, Uwumbɔr faa ku mi.

1 Bibɔrb Aabɔr 12:23

David aah nan bi Hebronn aatiŋ ni na, le bijab bi bae ki nyi butɔb aabɔr mbamɔm na dan nan kpee u pu, ke bi nyan Sɔɔl ki di u ŋa ubɔr, Uwumbɔr aah nan puu pu na. Baawiwiir sɔ: Juda aanibol ni aajab bi nan kpa tijawan mbamɔm na, nan ye bijab ŋichur ŋiloob ni ikui iniin la. Bi mɔmɔk nan kpa kijaak aapen ni tikpaatunn la; Simeonn aanibol ni aajab bi nan bae ki nyi butɔb aabɔr mbamɔm na, nan ye bijab ŋichur ŋilole ni nkub la; Liifai yaab nan ye bijab ŋichur ŋinaa ni ikui iloob la; Aaronn aayaabil Jehoyada aadidiliib nan ye bijab ŋichur ŋitaa ni ikui ilole la; Sadok, u nyi kijaak aabɔr pam na aado yaab nan ye bisalolm moninko ni bilee la; Benjaminn aanibol, Sɔɔl ubaa aanibol ni aajab nan ye bijab ŋichur ŋitaa la. Benjaminn aanibol ni aanib pam le nan beenin si Sɔɔl aachaŋ ni; Efraim aanibol ni aajab nan ye bijab ŋichur moninko ni ikui iniin la. Bi mɔmɔk nan ye bijakpaam le baataŋaal ni; Manase aanibol li bi liwilir wɔb na aajab nan ye bijab ŋichur kipiik ni ŋiniin la. Bi nan lee bi ke bi ti ŋa David ubɔr la; Isakar aanibol ni bisalolm nan ye ikui ilee la, le ki joo ni baajab kpee; bisalolm bimina le nan nyi Israel yaab aah ga ŋa pu na, ni buyoonn bi ga ŋa kina na; Sebulunn aanibol ni aajab bi nan bae ki nyi tijawan mɔmɔk aabɔr, aan bi ga ŋmaa nyu bi pu kaafa na, nan ye bijab ŋichur piiŋmu la; Naftali aanibol ni, bisalolm lichur, ni bijab bi kpa kijaak aapen ni tikpaatunn na, ŋichur piitaa ni ŋilole; Dann aanibol ni aajab bi nan nyi butɔb aabɔr mbamɔm na nan ye bijab ŋichur moninko ni ŋiniin ni ikui iloob la. Aser aanibol ni aajab bi nan gor ki kii butɔb na nan ye bijab ŋichur imonko ilee la; Ŋinibol ŋi bi Jɔɔdann aamɔɔl aawipuul wɔb, ki ye Rubenn, ni Gad, ni Manase aanibol li bi nima na aajab bi bae ki nyi tiwan mɔmɔk aabɔr mbamɔm na, nan ye bijab ŋichur nkub ni moninko la.

Ruf Aagbaŋ 1:17

Nin chee aa ti kpo na, nima chee le m mu ga kpo, le bi sub mi nima. Nkun yaa kaa yakr mi aa chee, le min le yaa yakr aa chee kan, Uwumbɔr daa ntafal sakpen.”

1 Samuel 14:44

Le Sɔɔl bui u ke, “Bi yaa kaa ku si kan, Uwumbɔr faa ku mi.”

1 Samuel 15:28

Le Samuel bui u ke, “Uwumbɔr daa gaa Israel aanaan aa chee, ki di tii unii u jer si na.

1 Samuel 25:22

M yaa kaa ku bijab ngbaan mɔmɔk waahr aan kitaak nin woln kan, Uwumbɔr faa ku mi.”

1 Samuel 28:17

Uwumbɔr ŋa si waah nan cha m tuk si pu na la: u gaa aa chee Israel yaab aanaan ki di tii David a.

1 Samuel 3:17

Le Eli baa u ke, “Uwumbɔr tuk si ke ba? Taa di tibaa bɔr mi. Aa yaa kaa bui mi waah tuk si pu na mɔmɔk kan, Uwumbɔr ga daa aatafal pam.”