2 Samuel 3:39 - Uwumbɔr aagbaŋ

³⁹ Hali min le ye unii u Uwumbɔr lee mi ŋa ubɔr na, din wee ma kan, nwon yɔl la. Seruya aajapɔtiib bee, Joab ni Abisai, bir sakpen ki tii mi. Uwumbɔr daa bitafal baah ŋeer pu na.”

2 Samuel 3:39 ပူးပေါင်းရင်းမြစ်များ

2 Samuel 16:10

Le ubɔr ngbaan bui Abisai, ni ukpel Joab ke, “Nimina aa ye nimi aabɔr. Uwumbɔr le yaa bui u ke u li puuni lir m pu kan, ŋma kpa nsan ke u baa u waah ŋani pu na?”

2 Samuel 19:13

David nan ki bui bi ke bi ti bui Amasa ke, “Aa ye ndo yoo la. Ki nya din wee ki joo cha, m ga di sin le ŋa maajab aaninkpel, Joab aabuul ni. M yaa kaa ŋa kina kan, Uwumbɔr faa ku mi.”

2 Samuel 19:22

Le David bui Abisai, ni ukpel Joab ke, “Ŋma baa nimi tibɔr? Ni ban ni tii mi tibɔr la aa? Min le ye Israel yaab aatiŋ aabɔr dandana wee, kaan cha Israel aanii ubaa kpo din wee.”

2 Samuel 3:38

Ubɔr David nan baa waaninkpiib ke, “Naa kan ke Israel aayidaan kpaan ubaa kpo din wee ee?

1 Bibɔrb 2:32

Uwumbɔr ga daa Joab aatafal, waah nan ku binib bi nte David aa nyi ti ponn ni na pu. Joab nan ku binib bilee bi kaa nan tun taani ubaa ki soor u na: u nan ku Israel aajab aaninkpel Abner, ni Juda aajab aaninkpel Amasa.

1 Bibɔrb 2:9

Aa mu taa tee di cha u fam. Aa nyi saah ga ŋa pu na, aa cha u kpo.”

1 Bibɔrb Aabɔr 22:5

David nan dakl ke, “Ni ŋan ke Uwumbɔr Aadichal li njapɔɔn Solomonn ga nan maa na li ŋan ki kpa liyimbil dulnyaa wee ni. Tɔ, u mu laa par, kaa kee kpa lituln aanimbiwoln, kina pu na, ni ŋan ke m gor isan siin u.” Kina pu na, David nan ban tiwan pam bil le ki nin kpo.

1 Bibɔrb Aabɔr 29:1

Ubɔr David nan bui binib bi mɔmɔk kuun na ke, “Njapɔɔn Solomonn le Uwumbɔr lee, tɔ, u mu laa par kaa kee kpa lituln aanimbiwoln. Lituln ngbaan ye litukpaan la, ba pu? naa ye libɔrdichal li unibɔn ban u li koo li ponn ni na, li ye Tidindaan Uwumbɔr Aadichal la.

2 Bibɔrb Aabɔr 13:7

Puwɔb le u di nifam bi kaa bi tibaa ni na, le bi di baageehn tii Solomonn aajapɔɔn Rehoboam u nan par kaa nyi waah ga ŋa pu ki giin bi kaan na.

Ilahn 101:8

Iwiin mɔmɔk kan, m ga li ku bibiindam bi bi timi aatiŋ pu na la; m ga jenn nyan titunwanbirdam mɔmɔk Uwumbɔr aatiŋ ponn ni.

Ilahn 28:4

Daa bitafal baah tun titunwanbir ti na pu. Daa bitafal baatun mɔmɔk pu, tiin bi baah ŋeer pu na.

Ilahn 62:12

ki ki len ke waageehm bi n‑yoonn mɔmɔk. Uwumbɔr, si aabaa le pa unii waatuln aah ŋeer pu na.

Ilahn 7:16

Kina pu na, bibaa aatunwanbir le dar bitafal, le baabimbin mu pɔɔ na mu tii bi titotonn.

Ilahn 75:10

U ga wii bibiindam aapɔɔn, le ki tee moo kpee binib bi aabimbin ŋan na mpɔɔn.

Nnyam 21:12

“Unii yaa faa uŋeen aatɔ ki ku u kan, bi ku u mu.

Ŋiyataŋak 20:8

Ubɔr ka libɔjil ni le ki yaa kan titunwanbir kan, u beer ti.

Ŋiyataŋak 25:5

Chuu nyan titunwanbirdam ubɔrkpaan chee aan bi li nyi waanaan bɔr ibamɔn pu.

Aisaya 3:11

Le titunwanbirdam ga kuln; le baah ŋa biken pu na, Uwumbɔr ga di giin ŋa bi.

Aisaya 7:4

Bui u ke u chuu ubaa suuna, ki gor ki li kii, ki taa li san ijawaan aan ki taa cha ni li muk u. Ubɔrkpaan Resinn ni waanib Siria yaab ni ubɔrkpaan Peka aa bir ki pii ŋimiidatul ŋi kaa gaal na aamii.

Jeremia 38:5

Le Ubɔr Sedekia gar bi ke, “Ni ŋan, kina kan, ŋa u naah gee pu na man; maan ŋmaa bui ke ni di cha.”

Daniel 6:16

Kina pu le ubɔr nan tii nsan ke bi ti chuu Daniel ki di u mee ŋa ichinn aabuu mu ichinn gbii na ni, le ki bui Daniel ke, “Saawumbɔr, u aa di aasui ni saalandak mɔmɔk tii u na gaa si lii.”

Nkahm 32:23

Ni mu yaa kaa ŋa naah puu pu na kan, m sur nimi la, ni ga tun titunwanbir Uwumbɔr chee, le u ga sil daa nitafal.

Rom Yaab 13:4

Bi ye Uwumbɔr aatutum ke bi biin aa pu la. Aa mu yaa tun lituln li kaa ŋan na kan, li san ijawaan. Bi kpa mpɔɔn ke bi daa aatafal. Bi ye Uwumbɔr aatutum ke bi daa binib bi tun lituln li kaa ŋan na aatafal.

2 Timoti 4:14

Uchaa u bi yin u ke Aleksanda na nan ŋa mi bakaa sakpen. Tidindaan ga teen u waah tun bakaa pu na.

Bibɔjirb 9:57

Gideonn aajapɔɔn Jotam aah nan puun lii Sekem aatiŋ aajab pu ki len ke bi ga ji falaa pu na, Uwumbɔr nan cha bi mu jin kina aafalaa.