2 Samuel 3:35 - Uwumbɔr aagbaŋ

³⁵ Nwiin ngbaan daal, binib ngbaan nan pɔɔn bibaa ke bi cha David ji tijikaar, le u yii, ki puu tipuur ke, “M yaa ji nibaa din wee waahr aan nwiin mue nin lir kan, Uwumbɔr faa ku mi.”

2 Samuel 3:35 ပူးပေါင်းရင်းမြစ်များ

2 Samuel 1:12

Bi nan wii ikpowiil ki lul bumɔb ki ti saa kijook, Sɔɔl, ni Jonatann, ni Uwumbɔr aanib Israel yaab pu; ba pu? bi ponn ni pam le nan bee butɔb ni.

2 Samuel 12:17

Waachiln ni aaninkpiib nan buen u chee ki ti pɔɔn bibaa ke bi cha u fii kitiŋ, le u yii, kaa fii, ki mu aa ji nibaa bi chee.

2 Samuel 3:34

Baa buu uŋaal le ki ku u, kaa buu utaa mu. U kpo ke binikurb aah ku unii u na la.” Le binib ngbaan ki gir wii u pu.

2 Samuel 3:36

Bi nan di tibɔr ngbaan ŋa bisui ni, le ni mɔɔr bi. Mbamɔn, tiwan nimɔk ubɔr David nan ŋa na nan mɔɔr binib ngbaan la.

2 Samuel 3:9

Uwumbɔr nan puu tii David ke u ga gaa nnaan ngbaan, Sɔɔl ni uyaabitiib chee, le ki ŋa David, Israel ni Juda aatim mɔmɔk aabɔr. M yaa kaa cha nimina ŋa kina kan, Uwumbɔr faa ku mi.”

1 Bibɔrb Aabɔr 10:12

le baapobidam fii ti yoor Sɔɔl ni ujapɔtiib aawon ki di gir buen Jabes aatiŋ ni. Bi nan ti sub bi likpaln aasub bubaa taab la, le ki lul bumɔb ti saa iwiin ilole.

Jeremia 16:7

Ubaa aan kal uken chee u ji ki nyu ndaan, ki sɔŋ usui, ke baah gee unii u na yaa kpo kan, bi ŋani pu na. Ubaa aan san uken kinimbaak, ni yaa ye udaan ngbaan aate, bee una le yaa kpo kan, ubaa aan gar u.

Esekiel 24:17

Taa cha saah ka wii liŋmiŋmiln pu na nya lipaal aan ubaa ŋun aa pu. Taa pir kpiir aayil pu, bee aa li chuun kaa tak ŋinaatak ke ni mɔk ke aa bi wii likpuul la. Taa di nibaa biin aanimbil pu, bee aa ji binib bi bi wii likpuul na aah ji tijikaar ti na.”

Esekiel 24:22

Le ni ga ŋa maah ŋa pu na. Naan di tiwan biin ninimbil pu, kaan ji tijikaar ti binib bi bi wii likpuul na ji na.

Bibɔjirb 20:26

Israel aanib mɔmɔk nan ki buen Betel aatiŋ ni ki ti wii ikpowiil. Bi nan ka Uwumbɔr aanimbiin ni, nima chee, kaa jin tijikaar le nwiin ti lir. Bi nan toor kimɔbaan aapiin aatork, ki di tiwakor ngbaan tibaa timɔnn see mmii ni, Uwumbɔr aanimbiin ni.

Ruf Aagbaŋ 1:17

Nin chee aa ti kpo na, nima chee le m mu ga kpo, le bi sub mi nima. Nkun yaa kaa yakr mi aa chee, le min le yaa yakr aa chee kan, Uwumbɔr daa ntafal sakpen.”

1 Samuel 3:17

Le Eli baa u ke, “Uwumbɔr tuk si ke ba? Taa di tibaa bɔr mi. Aa yaa kaa bui mi waah tuk si pu na mɔmɔk kan, Uwumbɔr ga daa aatafal pam.”